ସରକାରୀ ବିଜ୍ଞାନ ମହାବିଦ୍ୟାଳୟ ରେ ଆନ୍ତର୍ଜାତୀୟ ଯୋଗ ଦିବସ

ଛତ୍ରପୁର, (ଯୁଗାବ୍ଦ ନ୍ୟୁଜ):ସ୍ଥାନୀୟ ସରକାରୀ ବିଜ୍ଞାନ ମହାବିଦ୍ୟାଳୟ ରେ ଆନ୍ତର୍ଜାତୀୟ ଯୋଗ ଦିବସ ପାଳିତ ହୋଇ ଯାଇଛି। ମହାବିଦ୍ୟାଳୟର ଅଧ୍ୟକ୍ଷ ଡ଼ ଅଜୟ କୁମାର ତ୍ରିପାଠୀଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଏହି ଉତ୍ସବରେ ଶତଧିକ ଛାତ୍ର ଛାତ୍ରୀ ତଥା କର୍ମଚାରୀ ମିଳିତ ଯୋଗାଭ୍ୟାସ କରିଥିଲେ। ସରକାରୀ ନିର୍ଦ୍ଦେଶନାମା ଅନୁଯାୟୀ ଯୋଗାସନ, ପ୍ରାଣାୟମ, ଧ୍ୟାନ, ଶାନ୍ତି ମନ୍ତ୍ର ଗାନ ଓ ଶପଥ ପାଠ କରାଇଥିଲେ। ମହାବିଦ୍ୟାଳୟର ଯୁବ ରେଡକରସ୍ ଓ ନାଭାଲ ଏନସିସି ର ମିଳିତ ଆନୁକୁଲ୍ୟରେ ଉପସ୍ଥିତ ଅତିଥି ମାନେ ଉଦବୋଧନ ଦେଇ ଆନ୍ତର୍ଜାତୀୟ ସ୍ତରରେ ଯୋଗ କ୍ଷେତ୍ରରେ ଭାରତ ବିଶ୍ଵ ଗରୁ ମାନ୍ୟତାର ସୂଚନା ଦେଇ ଥିଲେ। ଏହି ଅବସରରେ କୁଇଜ୍ ପ୍ରତିଯୋଗିତା ର କୃତୀ ପ୍ରତଦ୍ବନ୍ଦିମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା। ଏନସିସି ଅଧିକାରୀ ମନୋରଂଜନ ମହାରଣା ସଂଯୋଜନା କରିଥିଲେ। ଯୁବ ରେଡକରସ୍ ତରଫରୁ ଡ଼ ମିଲିମିତା ପାଢ଼ୀ ଓ ଡ଼ ସୁଚିଶ୍ମିତା ବେହେରା କାର୍ଯ୍ୟକ୍ରମ ପରିଚାଳନା କରିଥିଲେ।