ମା ଝିଅଙ୍କୁ ବନ୍ଧୁକ ଦେଖାଇ ଲୁଟିଲେ ଲୁଟେରା

ନୀଳଗିରି,(ୱାଏନଏସ):ବାପଘରୁ ଶାଶୁ ଘରକୁ ଝିଅ ସ୍କୁଟିରେ ବସି ଯାଉଥୁବା ବେଳେ ମୁଣ୍ଡରେ ବନ୍ଧୁକ ଲଗାଇ ମା ଓ ଝିଅଙ୍କ ଗହଣା ଲୁଟି ନେଇଛନ୍ତି ୬ ଜଣ ଲୁଟେରା | ଏଭଳି ଏକ ଅଭାବନୀୟ ଘଟଣା ଘଟିଛି ନୀଳଗିରି ଥାନା ଅଧୀନ ଚଷାଖଣ୍ଡ ଗ୍ରାମ ନିକଟରେ । ଖନ୍ତାପଡା ପଞ୍ଚାୟତ ବେଦିପୁର ଗ୍ରାମର ସସ୍ମିତା ବେହେରା ବାଉଁଶବଣିଆ ସ୍ଥିତ ନିଜ ବାପଘରୁ ଝିଅ ଋତୁପର୍ଣ୍ଣାଙ୍କ ସହ ସ୍କୁଟି ଗାଡିରେ ଶଶୁରଘରକୁ ଫେରୁଥିବା ବେଳେ ତିନୋଟି ବାଇକରେ ୬ ଜଣ ମୁଖା ପିନ୍ଧା ଦୁର୍ବୃତ୍ତ ଆସି ଉଭୟ ମା ଝିଅଙ୍କ ମୁଣ୍ଡରେ ବନ୍ଧୁକ ଲଗାଇ ପିନ୍ଧିଥିବା ସମସ୍ତ ଗହଣା ଲୁଟୁନେଇ ଖନ୍ତାପଡା ଦିଗରେ ପଳେଇ ଯାଇଥିଲେ।ଏନେଇ ଉଭୟ ମା ଝିଅ ନୀଳଗିରି ଥାନାରେ ଅଭିଯୋଗ କରିଥିବା ବେଳେ ନୀଳଗିରି ଆଇଆଇସି ଗୋପାଳ ଚନ୍ଦ୍ର କର୍ଣ୍ଣ ଘଟଣା ସ୍ଥଳକୁ ଯାଇ ତଦନ୍ତ କରିବା ସହ ଉକ୍ତ ରାସ୍ତାର ସିସିଟିଭି ଗୁଡିକୁ ଯାଞ୍ଚ କରିଛନ୍ତି।