ଶିଶୁ ଦିବସରେ ଯୁକ୍ତଦୁଇ ଜିଲ୍ଲା ଟପର ଙ୍କୁ ସମ୍ବର୍ଦ୍ଧନା

ମୋହନା, (ଅଂଶୁମାନ ପଣ୍ଡା):ଗଜପତି ଜିଲ୍ଲା ଅଡବା ହରଭଙ୍ଗୀ କଲେଜ ରେ ଶିଶୁ ଦିବସ ପାଳିତ ହୋଇଯାଇଛି l ଥାନା ଅଧିକାରୀ ଶୁଭ୍ରାନ୍ତ ପଣ୍ଡା ମୁଖ୍ୟ ଅତିଥି ଭାବେ ଯୋଗଦେଇ ଶିଶୁ ଦିବସର ମହତ୍ୱ ଉପରେ କହିଥିଲେ l ଏହି ଅବସରରେ ୨୦୨୪ ଯୁକ୍ତ ଦୁଇ କଳା ପରୀକ୍ଷାରେ ୫୦୪ ମାର୍କ ରଖି ଗଜପତି ଜିଲ୍ଲାରେ ଟପର ହୋଇଥିବା ହରଭଙ୍ଗୀ କଲେଜ ଛାତ୍ରୀ ଧରିତ୍ରୀ ବିଶୋଇ ଙ୍କୁ ସମ୍ମାନିତ କରାଯାଇଥିଲା l ଥାନା ଅଧିକାରୀ ୧୦ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରିଛନ୍ତି l କଲେଜରେ ପାଠପଢି ସଫଳତା ପାଇବା ସହ ସମ୍ମାନିତ କରିଥିବାରୁ କଲେଜର ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ତଥା ଛାତ୍ର ଛାତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଧରିତ୍ରୀ l ସେହିପରି କଲେଜରୁ ଛାତ୍ରୀ ଜଣକ ଟପର ହୋଇଥିବା ଯୋଗୁଁ ଏହା ଆମ ପାଇଁ ଗୌରବର ବିଷୟ ବୋଲି ଅଧ୍ୟକ୍ଷl ସୁନିତା ମାଳି କହିଛନ୍ତି l କାର୍ଯ୍ୟକ୍ରମ ରେ ହରଭଙ୍ଗି ଜଳ ସେଚନ ପ୍ରକଳ୍ପ ସହକାରୀ ନିର୍ବାହୀ ଯନ୍ତ୍ରୀ ନିରଞ୍ଜନ ସାହୁ, କଲେଜ୍ ପରିଚାଳକ ସୁବାଷ ଚନ୍ଦ୍ର ରାଉତଙ୍କ ସମେତ ବହୁ ବୁଦ୍ଧିଜୀବୀ ଓ ଛାତ୍ର ଛାତ୍ରୀ ଯୋଗଦେଇଥିଲେ l