ବିଧାୟକଙ୍କ ଦ୍ୱାରା ଇଞ୍ଚୋଳରେ ବୋଇତ ବନ୍ଦାଣ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଇଞ୍ଚୋଳ ଠାରେ ପବିତ୍ର ରାହାସ ପୁର୍ଣ୍ଣିମା ଅବସରରେ ବୋଇତ ବନ୍ଦାଣ ଉତ୍ସବ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟଅତିଥି ଭାବେ ଆନନ୍ଦପୁର ବିଧାୟକ ଅଭିମନ୍ୟୁ ସେଠୀ ଯୋଗ ଦେଇଥିଲେ। ଏହି ଅବସରରେ ଧବଳେଶ୍ଵର ପୋଖରୀ ସନ୍ନିକଟକୁ ରଙ୍ଗିନ ଆଲୋକ ମାଳାରେ ସୁସଜ୍ଜିତ କରାଯିବା ସହ ରାଧାକୃଷ୍ଣଙ୍କ ପୂଜାର୍ଚ୍ଚନା କରାଯାଇଥିଲା। ଶହଶହ ଶ୍ରଦ୍ଧାଳୁ ପୋଖରୀରେ ବୁଡ଼ ପକାଇବା ସହ ଡ଼ଙ୍ଗା ଭଷାଣ କରିଥିଲେ। ପୂଜା କମିଟି ପକ୍ଷରୁ ଭକ୍ତମାନଙ୍କପାଇଁ ଅନ୍ନପ୍ରସାଦ ବଣ୍ଟନ କରାଯାଇ ଥିଲା। ଆସନ୍ତା ୧୯ ତାରିଖରେ ମେଲୋଡି କାର୍ଯ୍ୟକ୍ରମ କରାଯିବା ସହ ଏଥିରେ ସୁନାମଧନ୍ୟ ଗୀତିକାର ମାନେ ଯୋଗଦେବାର କାର୍ଯ୍ୟକ୍ରମ ରହିଛି।