ପୂର୍ବତନ ସରପଞ୍ଚ ହରିଶ୍ଚନ୍ଦ୍ର ବେହେରାଙ୍କ ସ୍ମୃତିସଭା

ହାଟଡିହି, (ବିକାଶ ବିଶ୍ୱାଳ):କେଉଁଝର ଜିଲ୍ଲା ହାଟଡିହି ବ୍ଲକ ଷଡଙ୍ଗ ପଞ୍ଚାୟତ ପୂର୍ବତନ ସରପଞ୍ଚ ସ୍ବର୍ଗତଃ ହରିଶ୍ଚନ୍ଦ୍ର ବେହେରାଙ୍କ ଦ୍ବାଦଶ କ୍ରିୟା ଉପଲକ୍ଷେ ତାଙ୍କ ଷଡଙ୍ଗ ସ୍ଥିତ ବାସଭବନରେ ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଅଛି। ସ୍ବର୍ଗତଃ ହରିଶ୍ଚନ୍ଦ୍ର ବେହେରା ଜଣେ ମିଷ୍ଟାଭାଷି, ସମାଜ ସେବୀ,ପରୋଉପକାରୀ ଲୋକ ଭାବେ ଅଞ୍ଚଳରେ ସୁନାମ ଅର୍ଜନ କରି ସଡଙ୍ଗ ପଞ୍ଚାୟତବାସୀଙ୍କ ମନଜିଣି ଲଗାତର ଭାବେ ଦୁଇ ଦୁଇ ଥର ସରପଞ୍ଚ ହୋଇଥିଲେ। ଏହି ସଭାରେ ପୂର୍ବତନ ପିସିସି ସଭାପତି ଜୟଦେବ ଯେନାଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ସ୍ବର୍ଗତଃ ବେହେରାଙ୍କ ସୁଚରିତ୍ର,ଉଦାର ମାନବିକତା ବିଷୟରେ ଅଭିଭାଷଣ ପ୍ରଦାନ କରି ସ୍ବର୍ଗତଃ ଆତ୍ମାର ସଦଗତି ନିମନ୍ତେ ପ୍ରାର୍ଥନା କରିଥିଲେ।ଏଥିରେ ତାଙ୍କର ପୂଅ ବିଦ୍ୟାଧର ବେହେରା,ପ୍ରଶାନୁ ବେହେରା,ବାଇଧର ବେହେରାଙ୍କ ସମେତ ପରିବାର ସଦସ୍ୟ ମାନେ କାର୍ଯ୍ୟକ୍ରମ ପରିଚାଳନା କରିଥିଲେ।