ସାଂସଦ ଖେଳ ମହୋତ୍ସବ ଉଦଯାପିତ

ଦିଗପହଣ୍ଡି,(ଅଳକ ନାଥ ମିଶ୍ର) ଦିଗପହଣ୍ଡି ବ୍ଳକ ପ୍ରଶାସନ ପକ୍ଷରୁ ଗତ ମଙ୍ଗଳବାର ଠାରୁ ଦିଗପହଣ୍ଡି, ପଦ୍ମନାଭପୁର ମିନି ଷ୍ଟାଡିୟମ ଓ ଖେମୁଣ୍ଡି କଲେଜ ଖେଳ ପଡିଆ ଠାରେ ଶୁଭାରମ୍ଭ ହୋଇଥିବା  ବ୍ଳକସ୍ତରୀୟ ସାଂସଦ ଖେଳ ମହୋତ୍ସବ ଗୁରୁବାର  ଉଦଯାପିତ ହୋଇଯାଇଛି । ବିଡ଼ିଓ ଅନାମିକା ପାଣ୍ଡେ ଙ୍କ ତତ୍ତ୍ଵାବଧାନରେ ଅନୁଷ୍ଠିତ ଉଦଯାପନୀ ସମାରୋହରେ ଦିଗପହଣ୍ଡି ଏନଏସି  ଅଧ୍ୟକ୍ଷ ପ୍ରଫୁଲ୍ଲ ପଣ୍ଡା , କାର୍ଯ୍ୟନିର୍ବାହୀ ଅଧିକାରୀ ଅବିନାଶ ମିଶ୍ର , ଅତିରିକ୍ତ ବ୍ଳକ ଉନ୍ନୟନ ଅଧିକାରୀ ଉମେଶ ସେଠୀ , ବି . ତୁରୁବୁଡି ସରପଞ୍ଚ ଲିଙ୍ଗା ଦୋରା , ଜିପିଡିଓ ରୋଜାଲିନ ଦଳାଇ , ବ୍ଳକ ସାମାଜିକ ସୁରକ୍ଷା ଅଧିକାରୀ ରଶ୍ମୀ ପ୍ରକାଶିନୀ ଜାନୀ ପ୍ରମୁଖ ଅତିଥି ଭାବେ ଉପସ୍ଥିତ ରହି ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରି କୃତିତ୍ୱ ଅର୍ଜନ କରିଥିବା  ଛାତ୍ରୀ ଛାତ୍ର ମାନଙ୍କୁ  ମାନପତ୍ର ସହ ମେଡାଲ ପ୍ରଦାନ କରି ସମ୍ମାନିତ କରିଥିଲେ । ଏଥିରେ ଦିଗପହଣ୍ଡି ବ୍ଳକ ଓ ଏନଏସି ର ବିଭିନ୍ନ ସ୍କୁଲ ଓ କଲେଜରୁ  ୭ ଶହ ରୁ ଉର୍ଦ୍ଧ୍ବ ଛାତ୍ରୀ ଛାତ୍ର କବାଡି , ଖୋ ଖୋ , ଭଲିବଲ , କ୍ରିକେଟ ଚେସ୍ , ଦୌଡ , ଚିତ୍ରାଙ୍କନ  , ବ୍ୟାଡମିଣ୍ଟନ  , ଉଚ୍ଚ ଡିଆଁ , ଲମ୍ବା ଡିଆଁ ଭଳି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ବ୍ଳକ କ୍ରୀଡା ସମ୍ପାଦକ ତଥା କ୍ରୀଡା ଶିକ୍ଷକ ଏମ.ଗୌରାଙ୍ଗ, ଏମ. ଶୁକୁରୁ ରେଡ୍ଡୀ , ସିମାଞ୍ଚଳ ସାହୁ , ସିମାଞ୍ଚଳ ପାଢ଼ୀ , ସୁଜିତ କୁମାର ଜେନା , କୈଳାସ ରେଡ୍ଡୀ , ଗୋପାଳ ରେଡ୍ଡୀ ଙ୍କ ସମେତ ବ୍ଳକର ସମସ୍ତ ପଞ୍ଚାୟତ ନିର୍ବାହୀ ଅଧିକାରୀ , ଏଡିଓ ବୃନ୍ଦ  ଉପସ୍ଥିତ ରହି ସମସ୍ତ କ୍ରୀଡା ପରିଚାଳନାରେ ସହଯୋଗ  କରିଥିଲେ ।