ଅନ୍ଧାରରେ କେନ୍ଦ୍ରାପଡା ଜିଲ୍ଲା କଂଗ୍ରେସ

କେନ୍ଦ୍ରାପଡ଼ା,(ଚିତ୍ତ ରଞ୍ଜନ ଦାଶ):କେନ୍ଦ୍ରାପଡା ଜିଲା୍ଲ କଂଗ୍ରେସ ଏବେ ଅନ୍ଧାରରେ ରହିଛି। ଫଳରେ କଂଗ୍ରେସ କର୍ମୀ ଓ ନେତାମାନେ ଅନ୍ଧାର ଭିତରେ ରହିବାକୁ ବାଧ୍ୟ ହୋଇଛନ୍ତି। ଏହାର ଅର୍ଥ ହେଉଛି ଜିଲ୍ଲା କଂଗ୍ରେସ ଭବନରେ କିଛିଦିନ ହେବ ବିଦ୍ୟୁତ ସଂଯୋଗ କଟିଯାଇଛି। ଯାହାଫଳରେ କୈାଣସି ଗୁରୁତ୍ୱପୂର୍ଣ୍ଣ ବୈଠକ ହେଲେ ନେତା ଓ କର୍ମୀମାନେ ଅନ୍ଧାରରେ ବସି ରହୁଛନ୍ତି। ଏହାଦ୍ୱାରା ଫଳପ୍ରଦ ଆଲୋଚନା ହୋଇପାରୁ ନାହିଁ। ବିଦ୍ୟୁତ ନଥିବାରୁ ପଙ୍ଖା ବୁଲୁ ନାହିଁ। ସେହିପରି ମାଇକ ମଧ୍ୟ ବାଜୁ ନାହିଁ। ତେଣୁ ନେତାମାନେ କ’ଣ କହୁଛନ୍ତି ଦୂରରେ ବସିଥିବା କର୍ମୀମାନେ ତାହା ଶୁଣିପାରୁ ନାହାନ୍ତି। ଫଳରେ କଂଗ୍ରେସର ରଣନୀତି ପ୍ରସ୍ତୁତ ହୋଇପାରୁ ନାହିଁ। ଏଣୁ ଜିଲ୍ଲା କଂଗ୍ରେସ ଏବେ ଅନ୍ଧାରରେ ରହିଛି ବୋଲି କେତେକ କଂଗ୍ରେସ କର୍ମୀ ଓ ନେତା କହିଛନ୍ତି।