ଅସ୍ତରଙ୍ଗ ବଜାରରୁ ଟଙ୍କା ବ୍ୟାଗ ଚୋରି କରିଥିବା ଅଭିଯୁକ୍ତକୁ ବାନ୍ଧିଲା ପୋଲିସ

କାକଟପୁର /ଅସ୍ତରଙ୍ଗ :-(ଶୁଭାଶିଷ ଖଣ୍ଡୁଆଳ ):-ପୁରୀ ଜିଲ୍ଲା ଅସ୍ତରଙ୍ଗ ଥାନା ପୋଲିସ ଚୋରି କରିଥିବା ଅଭିଯୁକ୍ତ କୁ ଧରିଲା। ଖବର ମୁତାବକ ଗତ ୧୭ସେପ୍ଟେମ୍ବର ୨୦୧୮ମସିହାରେ କୁହୁଡି ଗ୍ରାମର ଧୋବେଇ ଲେଙ୍କା ଅସ୍ତରଙ୍ଗ ସ୍ଥିତ ଭାରତୀୟ ଷ୍ଟେଟ ବ୍ୟାଙ୍କକୁ ପୂର୍ବାହ୍ନ ୧୦ଘ ୩୦ମିନିଟ ସମୟରେ ପୁଅ ପଠାଇଥିବା ୨୫ହଜାର ଟଙ୍କା ଉଠାଇ ବ୍ୟାଗରେ ନେଇ ବଜାର କୁ ଆସିଥିଲେ। ଅସ୍ତରଙ୍ଗ ତାରିଣୀ ମନ୍ଦିର ନିକଟରେ ସାଇକେଲ ରଖି ଚା ଦୋକାନକୁ ଆସୁଥିବା ବେଳେ ମୋଟର ସାଇକେଲ ଆସି ଟଙ୍କା ବ୍ୟାଗ ନେଇ ଦୁର୍ବୁତ୍ତ ଘଟଣାସ୍ଥଳରୁ ଖସିଯାଇଥିଲେ। ଯାହାକୁ ନେଇ କୁହୁଡି ଗ୍ରାମର ଧୋବେଇ ଲେଙ୍କା ଅସ୍ତରଙ୍ଗ ଥାନାରେ ଅଭିଯୋଗ କରିଥିଲେ। ଥାନା କେଶ ନମ୍ବର ୭୫/୨୦୧୮ରେ ମାମଲା ରୁଜୁ କରି ତଦନ୍ତକାରୀ ପୋଲିସ ବିଭିନ୍ନ ଦିଗକୁ ନେଇ ଯାଞ୍ଚ  କରିଥିଲେ। ଅଭିଯୁକ୍ତ ଅସ୍ତରଙ୍ଗ ଥାନା ତାଳଦା ଗ୍ରାମର ଲୋକନାଥ ବେହେରା ପିତା ଗଗନ ବେହେରା ନାମରେ ଚୋରି ମାମଲାରେ ନିମାପଡା ଅଦାଲତରେ ୫୫୧/୨୦୧୮ଏକ ଜାମିନ ବିହୀନ ଗିରଫ ପରୱାନା ଜାରି କରାଯାଇଥିଲା। ସେହିଦିନ ଠାରୁ ଅଭିଯୁକ୍ତ ଲୋକନାଥ ବେହେରା ପୋଲିସ କୁ ଚକମା ଦେଇ ଖସିଯାଇଥିଲେ। କିନ୍ତୁ ଅସ୍ତରଙ୍ଗ ପୋଲିସ ବିଶେଷ ସୂତ୍ରରୁ ଖବର ପାଇଁ ଏଡ଼ବାଂଶ ହାଟରୁ ଗତ ୧୬ତାରିଖ ରେ ଥାନାଧିକାରୀ ଦୁର୍ଗା ଚରଣ ମହାପାତ୍ର ଙ୍କ ନେତୃତ୍ୱ ରେ ଅଭିଯୁକ୍ତ କୁ କାବୁ କରିଥିଲା ପୋଲିସ। ଜାମିନ ନାମାଞ୍ଜୁର ହେବାରୁ ଅଭିଯୁକ୍ତ ଲୋକନାଥ କୁ ବିଚାର ବିଭାଗୀୟ ହାଜତ କୁ ପଠାଯାଇଛି।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ