ପ୍ରଗତି ମହିଳା ସଂଗଠନର ସଂପାଦିକାଙ୍କୁ ତନୁଜା ଶତପଥୀଙ୍କୁ ମିଳିଲା ଭାରତ ଲିଡର ସିପ୍ ପୁରସ୍କାର
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲାର ପ୍ରମୁଖ ପ୍ରଗତି ମହିଳା ସଂଗଠନ ନାରୀ ଜାଗରଣ ପାଇଁ କାର୍ଯ୍ୟ କରି ନାରୀମାନଙ୍କ ପ୍ରଗତିର କାରଣ ହୋଇଥିବା ଯୋଗୁଁ ପ୍ରଗତି ମହିଳା ସଙ୍ଗଠନର ସଂପାଦିକା ତନୁଜା ଶତପଥୀଙ୍କୁ ନାରୀ ସଶକ୍ତିକରଣ, ନାରୀ ଜାଗରଣ ଓ ସମାଜସେବା ପାଇଁ ଭୁବନେଶ୍ୱର ଠାରେ ଭରତ ଲିଡରସିପ ପୁରସ୍କାର ପ୍ରଦାନ କରାଯାଇଥିବା ସୂଚନା ମିଳିଛି. ଗତକାଲି ଭୁବନେଶ୍ବରସ୍ଥିତ ଜୟଦେବ ଭବନ ଠାରେ ଆୟୋଜିତ ସମାବେଶରେ ଭୁବନେଶ୍ୱର ବିଧାୟକ ଅନନ୍ତ ନାରାୟଣ ଜେନା ଏବଂ ମାନ୍ୟଗଣ୍ୟ ବ୍ୟକ୍ତିଙ୍କ ଠାରୁ ନାରୀ ସଶକ୍ତି କରଣ , ନାରୀ ଜାଗରଣ ଓ ସମାଜସେବା ପାଇଁ ଗଜପତିର ପ୍ରଗତି ମହିଳା ସଂଗଠନର ସମ୍ପାଦିକା ତନୁଜା ଶତପଥୀଙ୍କୁ ମାନପତ୍ର, ଉପଢୌକନ, ମୋମେଣ୍ଟୋ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଛି. ତନୁଜା ଶତପଥୀ ଭରତ ଲିଡରସିପ ପୁରସ୍କାର ଗ୍ରହଣ କରି ପାରଳାଖେମୁଣ୍ଡିରେ ପହଞ୍ଚିବା ପରେ ଗଜପତି ଜିଲ୍ଲାର ବିଭିନ୍ନ ମହଲରୁ ତାଙ୍କୁ ଅଭିନନ୍ଦନର ସୁଅ ଛୁଟିବାରେ ଲାଗିଛି.
