ରିପବ୍ଲିକ ଟିଭି ବିରୁଦ୍ଧରେ ଥାନା ରେ ଅଭିଯୋଗ

କଳାହାଣ୍ଡି,(ୱାଇଏନ୍‌ଏସ୍‌):ରିପବ୍ଲିକ ଟିଭି ଏଙ୍କର ଅର୍ଣ୍ଣବ ଗୋସ୍ୱାମୀ ନିଜ ଟିଭି ଚେନାଲ ରେ ଭାରତୀୟ ଜାତୀୟ କଂଗ୍ରେସ ସଭାନେତ୍ରୀ ଶ୍ରୀମତୀ ସୋନିଆ ଗାନ୍ଧୀ ଙ୍କ ବିରୋଧରେ କୌଣସି କାରଣ ନ ଥାଇ ଆଶାଳୀନ ଓ କଟୁ ମନ୍ତବ୍ୟ ଦେବାସହ ଦେଶରେ ଶାନ୍ତିପୂର୍ଣ ବାତାବରଣ କୁ ସାମ୍ପ୍ରଦାୟିକ ବିଦ୍ୱେଷ ସୃଷ୍ଟି କରିବା ପାଇଁ ଉଦ୍ୟମ କରିବା ଅଭିଯୋଗ କରିଛନ୍ତି ଯାହାକି ଦେଶର ସମ୍ବିଧାନ ବିରୋଧୀ ଅଟେ । ଅର୍ଣ୍ଣବ ଏ ଯାଏଁ ପଶ୍ଚାତାପ କିମ୍ବା କ୍ଷମା ପ୍ରାର୍ଥନା ମଧ୍ୟ କରି ନାହାନ୍ତି ।ତେଣୁ ଆଜି ବରିଷ୍ଠ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀ ଭକ୍ତ ଚରଣ ଦାସ ଅର୍ଣ୍ଣବ ଗୋସ୍ୱାମୀ ଏବଂ ରିପବ୍ଲିକ ଟି ଭି ବିରୁଦ୍ଧରେ ଟାଉନ ଥାନାରେ ଲିଖିତ ଅଭିଯୋଗ କରିଥିବା ଜଣା ପଡ଼ିଛି ।ଟାଉନ ଥାନା ଅଧିକାରୀ ସତ୍ୟକୁମାର ନନ୍ଦ ସଦର ଡ଼ିଏସପି ରମେଶ ଚନ୍ଦ୍ର ସେଠି ଙ୍କ ଉପସ୍ଥିତି ରେ ଏତେଲା ଗ୍ରହଣ କରିଛନ୍ତି ।  ୬୬ଏ INFORMATION TECNOLOGY ACT 2000 ଅନୁଯାୟୀ ଅଭିଯୋଗ ଗ୍ରହଣ କରି ଥିବା ଜଣା ପଡ଼ିଛି ।ଏ ସମ୍ପର୍କରେ ଶ୍ରୀ ଦାସ ପ୍ରକାଶ କରିଛନ୍ତି ଯେ, ରିପବ୍ଲିକ ଟିଭି ର ଅର୍ଣ୍ଣବ ଗୋସ୍ୱାମୀ ଙ୍କ ଆଶାଳୀନ ମନ୍ତବ୍ୟ ଦେଶର ସମ୍ବିଧାନ ବିରୋଧୀ ଏବଂ ଦେଶର ସାମ୍ପ୍ରଦାୟିକ ସଦ ଭାବନା ପାଇଁ ବିପଦ ପୂର୍ଣ ତେଣୁ ଅର୍ଣ୍ଣବ ଗୋସ୍ୱାମୀ ଙ୍କୁ ତୁରନ୍ତ ଗିରଫ କରାଯିବା ସହ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି …