କଳାହାଣ୍ଡି ଜିଲ୍ଲା ପୋଲିସ ଆନୁକୂଲ୍ୟରେ ରକ୍ତଦାନ ଶିବିର
କୋକସରା, (ୱାଇଏନ୍ଏସ୍):କଳାହାଣ୍ଡି ଜିଲ୍ଲା ଆରକ୍ଷୀ ଅଧିକ୍ଷକଙ୍କ ଆନୁକୂଲ୍ୟରେ ଆଜି କୋକସରା ଥାନା ଅନ୍ତର୍ଗତ ବେହେରା ସ୍ଥିତ ଦନ୍ତେଶ୍ୱରୀ ସରକାରୀ ଉଚ୍ଚ ବିଦ୍ୟାଳୟ ଠାରେ ଏକ ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି । ସାରା ବିଶ୍ବରେ କୋରନା ଭୁତାଣୁ ସଂକ୍ରମଣ ଜନିତ ଆତଙ୍କ ଯୋଗୁଁ ଲକ୍ଡ଼ାଉନ୍ ଜନିତ ସଙ୍କଟ ସମୟରେ ‘ମୋ ସରକାର’ ଯୋଜନା ମାଧ୍ୟମରେ ହେଉଥିବା ଏହି ରକ୍ତ ଦାନ ଶିବିରରେ ଜିଲ୍ଲା ଅତିରିକ୍ତ ଆରକ୍ଷୀ ଅଧିକ୍ଷକ ମନୋଜ କୁମାର ମହାନ୍ତ, କୋକସରା ଥାନା ଅଧିକାରୀ ବାସୁଦେବ ଛତ୍ରିଆ, ଏଏସଆଇ ଜନ୍ମେଜୟ ବାଗ ସମେତ ୟୁଥ୍ ରେଡ୍ କ୍ରସ, ନେହେରୁ ଯୁବ କେନ୍ଦ୍ର, ରାମକୃଷ୍ଣ ଯୁବକସଂଘ, ଦଣ୍ଡପାଟ ଧନୁଯାତ୍ରା ମହୋତ୍ସବ କମିଟିର ସଦସ୍ୟ, ସ୍ଥାନୀୟ ସାମାଜିକ କର୍ମୀ, ପଞ୍ଚାୟତ ସମିତି ଅଧ୍ୟକ୍ଷ ଏବଂ ଚାରି ଗୋଟି ଗ୍ରାମ ପଞ୍ଚାୟତର ସରପଞ୍ଚ ପ୍ରମୁଖ ଉପସ୍ଥିତ ଥିଲେ ଓ ଶିବିରରେ କରୋନା କଟକଣା ଦୃଷ୍ଟିରୁ ସାମାଜିକ ଦୂରତା ବଜାୟ ରଖାଯାଇ ଥିଲା। ଏହି ରକ୍ତଦାନ ଶିବିରରେ ୪୨ ୟୁନିଟ ରକ୍ତ ସଂଗ୍ରହ କରାଯାଇଛି। ଏହି ଶିବିରରେ ୟୁଥ୍ ରେଡକ୍ରସ୍ ଆବାହକ ମୋହନ ଚରଣ ବିଶି, ବେହେରା କଲେଜ ୟୁଥ୍ ରେଡକ୍ରସ୍ ର ଲକିରାମ ଅଗ୍ରୱାଲ, ନେହେରୁ ଯୁବ କେନ୍ଦ୍ର ସ୍ଵେଚ୍ଛାସେବୀ ଅକ୍ଷୟ କୁମାର ମେହେର, ରାମକୃଷ୍ଣ ଯୁବକ ସଂଘ ର ସୁଧୀର କୁମାର ଗୋପାଳ, ବେହେରା ଅଗ୍ରୱାଲ ସମାଜର ବିକାଶ ଚନ୍ଦ୍ର ଅଗ୍ରୱାଲ, ବେହେରା ଦଣ୍ଡପାଟ ଧନୁଯାତ୍ରା ମହୋତ୍ସବ କମିଟିର ସଦସ୍ୟଗଣ, ମୂଷାପାଲି ପଞ୍ଚାୟତର ସରପଞ୍ଚ ରଶ୍ମୀରେଖା ରାଉତ, ବେହେରା ପଞ୍ଚାୟତର ସରପଞ୍ଚ ସୁଚିତ୍ରା ଗୋପାଳ, ଖୁଣ୍ଟିଆ ପଞ୍ଚାୟତର ସରପଞ୍ଚ ଧର୍ମବ୍ରତ ପଣ୍ଡା, ତେଣ୍ଡାପାଲି ପଞ୍ଚାୟତର ସରପଞ୍ଚ ସୁଶାନ୍ତ ପଟ୍ଟନାୟକ, ଧର୍ମଗଡ଼ ପଞ୍ଚାୟତ ସମିତିର ଅଧ୍ୟକ୍ଷ ବଳରାମ ପୂଜାରୀ ସମେତ ରକ୍ତ ଭଣ୍ଡାର କର୍ମଚାରୀ ପ୍ରମୁଖ ପରିଚାଳନା ରେ ସହଯୋଗ କରିଥିଲେ । ଏହି ଶିବିରରେ ଉପରୋକ୍ତ ସଂଗଠନର ସ୍ଵେଚ୍ଛାସେବୀ ତଥା କୋକସରା ଥାନା ଅଞ୍ଚଳର ପାଞ୍ଚ ଗୋଟି ପଞ୍ଚାୟତର ବାସିନ୍ଦା ମାନେ ଯୋଗଦେଇ ରକ୍ତଦାନ କରିଥିଲେ।
