ଶ୍ରୀରାମ ସିଜନ ଷ୍ଟୋର ରେ ନିଆଁ

ବ୍ରହ୍ମପୁର,(ରାଜେଶ କୁମାର ପଟ୍ଟନାୟକ):ବ୍ରହ୍ମପୁର ବଡବଜ଼ାର ଅଞ୍ଚଳ ବୈକୁଣ୍ଠ ଭବନ ନିକଟରେ ଥିବା ଶ୍ରୀରାମ ସିଜନ ଷ୍ଟୋର ରେ ଆଜି ସକାଳେ ସଟ ସର୍କିଟ ଯୋଗୁଁ ଉକ୍ତ ଘରେ ନିଆଁ ଲାଗିଛି । ଘର ଭିତରେ ହୁ ହୁ ହୋଇ ଆଜି ସକାଳ ୭ ଟାରେ ନିଆଁ ଲାଗିଥିଲା । ଦୋକାନ ଘରେ ଦୁଇ ଜଣ କର୍ମଚାରୀ ଥିଲେ କିନ୍ତୁ ଶୋଭାଗ୍ୟ ବଶତଃ ସେମାନେ ସେଠାରୁ ଠିକ ସମୟରେ ବାହାରି ଯାଇଥିଲେ । ଉକ୍ତ ଦୋକାନର ମାଲିକ ସହରର ଜଣେ ପ୍ରତିଷ୍ଠିତ ବାଣ ବ୍ୟବସାୟୀ , ତେଣୁ ଉକ୍ତ ଘରେ ବାଣ ଥିବା ସୂଚନା ମିଳିଛି । ତେବେ ଏହାକୁ ନେଇ ଅଗ୍ନିଶମ ବିଭାଗ ଅଧିକାରୀ ବାଣ ନଥିବା ନେଇ କହିଥିବା ବେଳେ ଦୋକାନ ଭିତରୁ ବାଣ ଫୁଟୁଥିବା ଶବ୍ଦ ସୁଭାଯାଉଛି । ଅଗ୍ନିଶମ ବିଭାଗ ପହଂଚିବା ପୂର୍ବରୁ ନିଆଁକୁ ସ୍ତାନୀୟ ଲୋକେ ଆୟତ୍ତ କରି ଦେଇଥିବା ଜଣାପଡିଛି । ମାତ୍ର ୫୦ ହଜାର ଟଙ୍କାର ଫୁଲମାଳ, ଅନ୍ୟାନ୍ୟ ପୂଜା ସାମଗ୍ରୀ ନଷ୍ଟ ହୋଇଥିବା ନେଇ ଅଗ୍ନିଶମ ବିଭାଗ ପକ୍ଷରୁ କୁହାଯାଉଛି ।