ଦୁର୍ଗାପୂଜା ଅବସରରେ ଇ-ପତ୍ରିକା ଶୁଭୋଦୟ ଉନ୍ମୋଚିତ

ବନ୍ତ, (ଚାନ୍ଦିନୀ ମହାନ୍ତି):ଦୁର୍ଗା ପୂଜା ମହାଷ୍ଟମୀ ଅବସରରେ ଶୁଭ ପଲ୍ଲବ ପ୍ରକାଶନୀର ଏକ ନୂଆ ଇ-ପତ୍ରିକା ଶୁଭୋଦୟ ଉନ୍ମୋଚିତ ହୋଇଯାଇଛି । ସୁନାମଧନ୍ୟ ଓଡିଆ ଚିତ୍ରଶିଳ୍ପୀ ବିଜୟ ବିଶ୍ୱାଳ ଏହି ସଂସ୍କରଣର ପ୍ରଚ୍ଛଦପଟ ଅଙ୍କନ କରିଥିବା ବେଳେ ସଂଗ୍ରାମ କେଶରୀ ସେନାପତି ପତ୍ରିକାର ସଂପାଦନା କରିଛନ୍ତି । ଦୁର୍ଗପୂଜା ଥିମ୍‌ରେ ପ୍ରସ୍ତୁତ ଏହି ପତ୍ରିକାରେ ସମୁଦାୟ ୨୨ଟି ଓଡିଆ ଲେଖା ପ୍ରକାଶ ପାଇଛି । ଯେଉଁଥିରେ ମାଆ ଦୂର୍ଗାଙ୍କ ଉପରେ ଗପ, କବିତା, ସ୍ତୁତି ଆଦି ସ୍ଥାନ ପାଇଥିବା ବେଳେ ସାମ୍ପ୍ରତିକ ପରିସ୍ଥିତିରେ କରୋନାର ସ୍ଥିତିକୁ ମଧ୍ୟ ସ୍ଥାନିତ କରାଯାଇଛି । ଏହି ଇ-ପତ୍ରିକାଟି ଶୁଭପଲ୍ଲବର ଅନ୍‌ଲାଇନ୍ ଷ୍ଟୋରରେ ଉପଲବ୍ଧ ହେଉଛି । ଏଥିସହିତ ସିଧାସଳଖ ଶୁଭୋଦୟ୧ରେ ପଢି ପାରିବେ ବୋଲି ସଂପାଦକ ଜଣାଇଛନ୍ତି ।