ଗଂଜେଇ ଜବତ, ସ୍କୁଟିଗାଡି ସହିତ ୨ଜଣ ଗିରଫ

ଭଞ୍ଜନଗର, (ସନ୍ତୋଷ କୁମାର ଜେନା):ଗଞ୍ଜାମ ଜିଲ୍ଲାର ଭଞ୍ଜନଗର ଥାନା ଅନ୍ତର୍ଗତ ଫୁଲତୋଟା ଜଙ୍ଗଲ ନିକଟରେ ୧୫୭ ତମ ଜାତୀୟ ରାଜା ରାସ୍ତାରେ ଓ ଡି ୩୨ ଡି ୯୩୯୬ ନାମରେ ପଞ୍ଜିକୃତ ହୋଇଥିବା ଗୋଟିଏ ହଳଦିଆ ରଙ୍ଗ ର ସ୍କୁଟି ଗାଡ଼ିରେ କେ ଶୁକଦେବ ରେଡ୍ଡୀ ନାମକ ଜଣେ ପୁରୁଷ ଓ ଏନ ପାର୍ବତୀ ରେଡ୍ଡୀ ନାମକ ଜଣେ ମହିଳା ଗୋଟିଏ ବସ୍ତା ରେ ୨୦କେଜି ୬୩୦ ଗ୍ରାମ ଗଂଜେଇ ନେଇ ଯାଉଥିବା ବେଳେ ପୋଲିସ କୌଣସି ସୂତ୍ରରୁ ଖବର ପାଇ ସେମାନଙ୍କୁ ସେହି ରାସ୍ତାରେ ଅଟକାଇ ବସ୍ତା ଟିକୁ ତଲାସ କରିବାରୁ ସେଥିରୁ ଗଂଜେଇ ବାହାରିଥିଲା l ବେଲଗୁଣ୍ଠା ତହସିଲଦାର, ଭଞ୍ଜନଗର ଏସ ଆଇ ସମୀର କୁମାର ବେହେରା ଙ୍କ ସହିତ ପୋଲିସ କର୍ମୀ ମାନେ ଉପସ୍ଥିତ ରହି ଉଭୟ ପୁରୁଷ ଓ ମହିଳା ଙ୍କୁ ଗିରଫ କରିବା ସହିତ ସେମାନଙ୍କଠାରୁ ଗଂଜେଇ ଜବତ କରିବାସହିତ ଗାଡିଟିକୁ ମଧ୍ୟ ଜବତ କରି ସେମାନଙ୍କ ବିରୋଧ ରେ ଏକ ମାମଲା ରୁଜ୍ଜ କରିଥିଲେ l ଉଭୟ ଅଭିଯୁକ୍ତ ଧରାକୋଟ ବ୍ଲକ ଆର ଦାମୋଦରପଲି ଅଂଚଳ ର ଏବଂ ସେମାନେ ଫୁଲବାଣୀ ରୁ ଆସ୍କା କୁ ଗଂଜେଇ ଚାଲାଣ କରୁଥିବାର ଥାନାଅଧିକାରୀ ସୁଦୀପ୍ତ ସାହୁ ସୂଚନା ଦେଇଛନ୍ତି l