ବ୍ଲକ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ

ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା) :ଭଣ୍ଡାରିପୋଖରୀ ବ୍ଲକ ମଣିନାଥପୁର ଉଚ୍ଚ ବିଦ୍ୟାପୀଠ ଠାରେ ବ୍ଲକ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ଆୟୋଜିତ ଉତ୍ସବ କୁ ପଞ୍ଚାୟତ ସମିତି ଅଧ୍ୟକ୍ଷା ସୁମତି ସେଠୀ ଉଦଘାଟନ କରିଥିଲେ। ପ୍ରଧାନ ଶିକ୍ଷକ ସୂର୍ଯ୍ୟକାନ୍ତ ବରାଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ଉତ୍ସବରେ ଅତିଥି ଭାବେ ବିଡ଼ିଓ ଦେବଦତ୍ତ ଦାସ, ସହକାରୀ ଜିଲ୍ଲା ଶିକ୍ଷା ଅଧିକାରୀ ଦୀପକ କୁମାର ପାଢୀ, ସରପଞ୍ଚ ପରମାନନ୍ଦ ନାୟକ, ଅଧ୍ୟାପକ ମହେନ୍ଦ୍ର ପ୍ରସାଦ ସାହୁ, ବିଇଓ ମଂଜୁବାଳା ନାୟକ ପ୍ରମୁଖ ଯୋଗଦେଇ ବିଜ୍ଞାନ ମେଳା ବିଦ୍ୟାର୍ଥୀଙ୍କ ସୁପ୍ତ ଚେତନାକୁ ଜାଗ୍ରତ କରିଥାଏ ବୋଲି କହିଥିଲେ। ସିଆରସିସି ବିନୋଦ ରାଉତ ଧନ୍ୟବାଦ ଦେଇଥିଲେ । ଏଥିରେ ୧୨୦ଗୋଟି ପ୍ରକଳ୍ପ ପ୍ରଦର୍ଶିତ ହୋଇଥିବା ବେଳେ ସେଥିମଧ୍ୟରୁ ୬ଗୋଟି ଶ୍ରେଷ୍ଠ ପ୍ରକଳ୍ପକୁ ପୁରସ୍କୃତ କରିଥିଲେ। ବିଜ୍ଞାନ ମେଳା କାର୍ଯ୍ୟକ୍ରମ କୁ ସିଆରସିସି ରଞ୍ଜନ କୁମାର ମହାନ୍ତି, ଗୌରାଙ୍ଗ ନାଥ, ପୁଷ୍ପକ ଭାରତୀ, ସୁନାକର ଧଳ, ଝୁନାରାଣୀ ସ୍ୱାଇଁ, କୈଳାସ ସାମଲ, ପ୍ରଶାନ୍ତ ଜେନା, ଚକ୍ରଧର ଜେନା ପ୍ରମୁଖ ପରିଚାଳନା କରିଥିଲେ ।