ଅଳ୍ପକେ ବର୍ତ୍ତିଲେ ବରୁଣ
ବଲିଉଡ୍ ଅଭିନେତା ବରୁଣ ଧାୱନ୍ ଏକ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି । ଫିଲ୍ମ “କୁଲି ନମ୍ବର ୧’ର ସେଟ୍ରେ ଗୋଟିଏ ଷ୍ଟଣ୍ଟ୍ ସିନର ଶୁଟିଂ କରୁଥିବା ବେଳେ ଏଭଳି ସ୍ଥିତି ଉତ୍ପନ୍ନ ହୋଇଥିଲା ।
ପୁନେର ଏକ ଅଞ୍ଚଳରେ ବରୁଣଙ୍କର ଏହି ସିନର ଶୁଟିଂ କରାଯାଉଥିଲା । ସିନ୍ରେ ପାହାଡ଼ରେ ଝୁଲି ରହିଥିବା କାର୍ ଭିତରେ ତାଙ୍କୁ କିଛି କ୍ଲୋଜ୍ ଅପ୍ ଶଟ୍ ଦେବାର ଥିଲା । କିନ୍ତୁ ଅଚାନକ କାର୍ର ଡୋର୍ ବନ୍ଦ ହୋଇ ଯାଇଥିଲା ଏବଂ ବରୁଣ କାର୍ ଭିତରେ ଫସି ଯାଇଥିଲେ । ଏହି ଷ୍ଟଣ୍ଟ୍ ଶୁଟିଂ ସମୟରେ ସବୁ ପ୍ରକାର ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା । କିନ୍ତୁ ଅଚାନକ ଏମିତି ଘଟିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ତେବେ କାର୍ର ଡୋର୍ ବନ୍ଦ ହୋଇଯିବା ପରେ ବରୁଣ ଆଦୌ ବ୍ୟସ୍ତ ହୋଇ ନଥିଲେ । ଷ୍ଟଣ୍ଟମ୍ୟାନ୍ ତାଙ୍କୁ ଝୁଲନ୍ତା କାର୍ ଭିତରରୁ ବାହାରକୁ କାଢ଼ିବା ପାଇଁ ବ୍ୟବସ୍ଥା ନ କରିବା ପର୍ଯ୍ୟନ୍ତ ସେ ଭୟଭୀତ ନହୋଇ ତା’ ଭିତରେ ଅପେକ୍ଷା କରି ରହିଥିଲେ । ଶେଷରେ ବହୁତ ଚେଷ୍ଟା ପରେ ଝୁଲନ୍ତା କାର୍ରୁ ବରୁଣଙ୍କୁ ବାହାରକୁ ଅଣାଯାଇଥିଲା । ମିଡିଆ ରିପୋର୍ଟ ଅନୁସାରେ ଏହି ଷ୍ଟଣ୍ଟ ସିନ୍ର ଶଟ୍ ଦେଇ ସାରିବା ପରେ ହିଁ ବରୁଣଙ୍କ କାର୍ର ଡୋର୍ ଜାମ୍ ହୋଇଯାଇଥିଲା ଏବଂ ଖାଲି ନଥିଲା । “କୁଲି ନମ୍ବର ୧’ ଫିଲ୍ମରେ ବରୁଣଙ୍କ ବିପକ୍ଷରେ ସାରା ଅଲି ଖାନ୍ ଅଛନ୍ତି । ବରୁଣଙ୍କ ପିତା ଡେଭିଡ୍ ଧାବନ୍ ଏହି ଫିଲ୍ମରେ ନିର୍ଦ୍ଦେଶନା ଦେଉଛନ୍ତି ।
