ମାନ୍ୟବର ମନ୍ତ୍ରୀ “ସେବା ସମ୍ମାନ” ପ୍ରଦାନ କଲେ
ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ଓଡ଼ିଶା ରାଜ୍ୟ ଭାରତ ସ୍କାଉଟସ୍ ଏବଂ ଗାଇଡସ୍ ଏବଂ ରାମମୂର୍ତ୍ତି ଦୋରା ଫାଉଣ୍ଡେସନ ଟ୍ରଷ୍ଟର ମିଳିତ ଆନୁକୂଲ୍ୟରେ ଆଜି ଅପରାହ୍ନ ୪.୩୦ ଘଟିକା ସମୟରେ ସ୍କାଉଟସ୍ ଏବଂ ଗାଇଡସ୍ର ରାଜ୍ୟ ମୁଖ୍ୟାଳୟ ପରିସରରେ ଏକ ସଭା ଅନୁଷ୍ଠିତ ହୋଇଅଛି । ଏହି ସଭାରେ ମୁଖ୍ୟ ଅତିଥିଭାବରେ ମାନ୍ୟବର ମନ୍ତ୍ରୀ ଖାଦ୍ୟଯୋଗାଣ ଓ ସମବାୟ ଏବଂ ଉଚ୍ଚଶିକ୍ଷା ତଥା ଓଡିଶା ରାଜ୍ୟ ଭାରତ ସ୍କାଉଟସ୍ ଏବଂ ଗାଇଡସ୍ର ସଭାପତି ଶ୍ରୀଯୁକ୍ତ ଅତନୁ ସବ୍ୟସାଚୀ ନାୟକ, ସମ୍ମାନୀତ ଅତିଥିଭାବେ ଉପସଭାପତି ତଥା ଅଧ୍ୟକ୍ଷା ମହିଳା କମିଶନ ଡଃ. ମିନତୀ ବେହେରା, ଜାତୀୟ ଉପସଭାପତି ତଥା ରାଜ୍ୟ ମୁଖ୍ୟ କମିଶନର ଓଡିଶା ରାଜ୍ୟ ଭାରତ ସ୍କାଉଟସ୍ ଏବଂ ଗାଇଡସ୍ ଡଃ. କାଳିପ୍ରସାଦ ମିଶ୍ର, ସଭାପତି, ଓଡିଶା ରାଜ୍ୟ ସମବାୟ ବ୍ୟାଙ୍କ ତଥା ଉପସଭାପତି ଓଡିଶା ରାଜ୍ୟ ଭାରତ ସ୍କାଉଟସ୍ ଏବଂ ଗାଇଡସ୍ ଏବଂ ସଭାପତି ରାମମୂର୍ତ୍ତି ଦୋରା ଫାଉଣ୍ଡେସନ ଟ୍ରଷ୍ଟ, ଶ୍ରୀଯୁକ୍ତ ଟି. ପ୍ରସାଦ ରାଓ ଦୋରା ଉପସ୍ଥିତ ଥିଲେ । ଏହି ଅବସରରେ ମାନ୍ୟବର ମନ୍ତ୍ରୀ ଶ୍ରୀଯୁକ୍ତ ନାୟକ ଏବଂ ଶ୍ରୀମତୀ ବେହେରା ପୂର୍ବତନ ରାଜ୍ୟ ସମ୍ପାଦକ ସ୍ୱର୍ଗତ ରାମମୂର୍ତ୍ତି ଦୋରାଙ୍କର ସ୍କାଉଟ ଗାଇଡ୍ ପ୍ରତି ଭଲପାଇବା ଏବଂ ତାଙ୍କ ସମୟରେ ବହୁ ଅବିସ୍ମରଣୀୟ ମୁହୂର୍ତ୍ତକୁ ମନେପକାଇଥିଲେ । ରାଜ୍ୟ ମୁଖ୍ୟ କମିଶନର ଡଃ. କାଳିପ୍ରସାଦ ମିଶ୍ର ନିଜର ବକ୍ତବ୍ୟରେ କହିଥିଲେ କି ସେ ଜଣେ କର୍ତ୍ତବ୍ୟନିଷ୍ଠ, କର୍ମଠ, ଛାତ୍ର ବତ୍ସଳ ବ୍ୟକ୍ତିତ୍ୱ ଥିଲେ, ସେ ଦୀର୍ଘ ୬୦ ବର୍ଷ ଧରି ସ୍କାଉଟିଂ ସହିତ ଯୋଡି ହୋଇ ତାଙ୍କ କର୍ମନିଷ୍ଠା ଲାଗି ମହାମହିମ ରାଷ୍ଟ୍ରପତି ଶ୍ରୀମତୀ ପ୍ରତିଭା ଦେବୀସିଂ ପାଟିଲଙ୍କ ଠାରୁ ସ୍କାଉଟ ଗାଇଡ୍ର ସର୍ବୋଚ୍ଚ ସମ୍ମାନ “ଶ୍ୱେତ ହସ୍ତୀ” ଏବଂ ସ୍କାଉଟ ଗାଇଡ୍ରେ ଉନ୍ନତ ସେବା ପାଇଁ ମହାମହିମ ରାଜ୍ୟପାଳଙ୍କ ଠାରୁ ଗ୍ରହଣ କରିଥିଲେ ।ରାମମୂର୍ତ୍ତି ଦୋରାଙ୍କ ଦ୍ୱିତୀୟ ଶ୍ରାଦ୍ଧବାର୍ଷିକୀ ସ୍ମୃତିକୁ ଉଜ୍ଜୀବିତ କରିବା ପାଇଁ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ନିମନ୍ତେ ସଚିବ, ଓଡିଶା ବିଧାନସଭା ଶ୍ରୀଯୁକ୍ତ ଦାସରଥୀ ଶତପଥୀ, ଭା.ପ୍ର.ସେ. ଏବଂ ଶିକ୍ଷାବିତ୍ ଡଃ. ସରୋଜ କୁମାର ପଟ୍ଟନାୟକଙ୍କୁ ରାମମୂର୍ତ୍ତି ଦୋରା ଫାଉଣ୍ଡେସନ ଟ୍ରଷ୍ଟ ଦ୍ୱାରା “ସେବା ସମ୍ମାନ” ରେ ସମ୍ମାନୀତ କରାଯାଇଥିଲା ।
