ବ୍ରହ୍ମପୁର କଳାକାର ଏକତା ମଂଚର ବୈଠକ

ବ୍ରହ୍ମପୁର, (ଯୁଗାବ୍ଦ ନ୍ୟୁଜ):ବ୍ରହ୍ମପୁର ସହରର ଏକାଧିକ ନାଟ୍ୟ ଅନୁଷ୍ଠାନର ସମାହାରରେ ଗଠିତ ବ୍ରହ୍ମପୁର କଳାକାର ଏକତା ମଂଚର ଏକ ବୈଠକ ସୋମବାର ବ୍ରହ୍ମପୁର ଗଞ୍ଜାମ କଳା ପରିଷଦ ପାଠାଗାର ଗୃହରେ ସଂଘ ସଭାପତି ଅନିଲ କୁମାର ପାତ୍ରଙ୍କ ଅଧକ୍ଷତାରେ ଅନୁଷ୍ଠିତ ହୋଇଯାଇଛି । ଚଳିତ ମାସ ୨୭ ତାରିଖ ଦିନ ସଂଘର ବାର୍ଷିକ ଉତ୍ସବ କରାଯିବା ନେଇ ବୈଠକରେ ଆଲୋଚନା ହେଲା । ଲୋକକଳା, ସ୍ଥାନୀୟ କଳାକାରଙ୍କ ସାଂସ୍କୃତିକ କାର୍ଯ୍ୟକ୍ରମ ସହ ଲିଙ୍ଗରାଜ ନାହାକଙ୍କ ରଚିତ ମଦନ ମିଶ୍ରଙ୍କ ନିର୍ଦ୍ଦେଶିତ”ଶୁଆ ଶାରୀ କାହାଣୀ” ନାଟକ ମଂଚସ୍ଥ ହେବା ନେଇ ନିଷ୍ପତ୍ତି ହୋଇଥିଲା । ବାର୍ଷିକ ଉତ୍ସବ କୁ ଖୁବ ଆଡମ୍ବରର ସହକାରେ କରିବା ସହିତ ଚଳିତ ମାସ ୨୯ ତାରିଖରେ ସଂଘର ନୁତନ କର୍ମକର୍ତ୍ତା ଚୟନ ନେଇ ସ୍ଥିର ହୋଇଥିଲା ।ବୈଠକରେ ସଂଘ ସମ୍ପାଦକ ପୂର୍ବ ବିବରଣୀ ପାଠ ସହ କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଡ଼.ମିହୀର ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ । ବୈଠକରେ ଅନ୍ୟମାନଙ୍କ ମଧ୍ୟରେ ରମେଶ ମହାରଣା,ସତ୍ୟ ମହାରଣା,ଦୁର୍ଗା ପ୍ରସାଦ ଆଚାର୍ଯ୍ୟ,ଭବାନୀ ଶଙ୍କର ମିଶ୍ର,ସୁବାସ ମହାରଣା,ଶଙ୍କର୍ଷଣ ସାବତ,ରାମଚନ୍ଦ୍ର ସାସମଲ,କୈଳାସ ପାଣିଗ୍ରାହୀ, ନବୀନ ହୋତା ପ୍ରମୁଖ ଉପସ୍ଥିତ ଥିଲେ ।