ପାରଳା ଜେଲରେ ପ୍ରତିଷ୍ଠା ଦିବସ ପାଳିତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ସ୍ଥାନୀୟ ସବ୍ ଜେଲ୍ ପରିସରରେ ଜେଲ୍ ସୁପରୀଟେଣ୍ଡଣ୍ଟ ହନୁ ସେଠୀଙ୍କ ତତ୍ତ୍ଵାବଧାନରେ ଜେଲ ପ୍ରତିଷ୍ଠା ଦିବସ ଅନୁଷ୍ଠିତ ହୋଇସାରିଛି। ନିଜକୁ ସମର୍ପଣ ଭାବ ରଖି ତ୍ୟାଗ,ନିଷ୍ଠା,ସହଯୋଗ ରକ୍ଷାକରି ସଦାସର୍ବଦା ସକରାତ୍ୱର୍ମକ କାର୍ଯ୍ୟ କରିବା ଆବଶ୍ୟକ।ଗଠନ ମୂଳକ ପଦକ୍ଷେପ ଆଣିଥାଏ ଏକ ସଫଳ ଜୟଯାତ୍ରା ବୋଲି ଉପସ୍ଥିତ ବକ୍ତା ମାନେ କହିଥିଲେ ।ମୁଖ୍ୟ ଅତିଥି ଭାବେ ଶ୍ରୀ କୃଷ୍ଣ ଚନ୍ଦ୍ର ଗଜପତି ସ୍ୱୟଂ ଶାସିତ ମହାବିଦ୍ୟାଳୟର ଅଧ୍ୟକ୍ଷ ଡ. ଜିତେନ୍ଦ୍ର ନାଥ ପଟନାୟକ, *ମୁଖ୍ୟବକ୍ତା* ଭାବେ ଶିକ୍ଷାବିତ୍ ବିଚିତ୍ରାନନ୍ଦ ବେବର୍ତ୍ତା, *ସ୍ଵତନ୍ତ୍ର ଅତିଥି* ଭାବେ ଡାକ୍ତର ଡି .ସତ୍ୟନାରାୟଣ ଗୁପ୍ତା *ବିଶିଷ୍ଟ ଅତିଥି* ଭାବେ ବରିଷ୍ଠ ନାଗରିକ ପ୍ରଫୁଲ୍ଲ ପାଣିଗ୍ରାହୀ, *ସମ୍ମାନିତ* *ଅତିଥି* ଭାବେ ତନୁଜା ଶତପଥୀ,ଯୋଗ ଦାନ କରି ଉତ୍ତମ ନାଗରିକ ହେବା ପାଇଁ କଠିନ ପରିଶ୍ରମ ଦରକାର କହିଥିଲେ। କାର୍ଯ୍ୟକ୍ରମ କୁ ପରିଚାଳନା କରିଥିଲେ ଅଶ୍ୱିନୀ କୁମାରr ଦାଶ,ଗୀତାଞ୍ଜଳି ବେହେରା, ଏସ୍. ନାଗାରାଜୁ ।ତର୍କ,ଚିତ୍ର,ପ୍ରବନ୍ଧ, କଣ୍ଠ ସଙ୍ଗୀତ, ଏକକ ଅଭିନୟ, ଝୋଟି, ହୁଳହୂଳି, ଇଣ୍ଡୋର୍ ,ଆଉଟ୍ ଡୋର ଖେଳ ରେ ଯେଉଁମାନେ ଅଂଶଗ୍ରହଣ କରି କୃତକାର୍ଯ୍ୟ ହୋଇଥିଲେ ସେମାନଙ୍କୁ ପ୍ରମାଣ ପତ୍ର ଓ ପୁରସ୍କାର ପ୍ରଦାନ କରାଯାଇଥିଲା। ଶେଷରେ *ସହ – ଜେଲ୍* *_ସୁପରିଟେଣ୍ଡଣ୍ଟ* ପ୍ରଭାତ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ।