ବଞ୍ଚୋ ପଞ୍ଚାୟତରେ ଆମ ଓଡିଶା ନବୀନ ଓଡିଶା ସଚେତନତା ଶିବିର
ହାଟଡ଼ିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ବଞ୍ଚୋପଞ୍ଚାୟତରେ ଆମ ଓଡିଶା ନବୀନ ଓଡିଶା ସଚେତନତା ଶିବିର ଅନୁଷ୍ଠିତ ହୋଇଯାଇଛି । ସରପଞ୍ଚ ପ୍ରଶାନ୍ତ କୁମାର ରାଉତଙ୍କ ସଂଯୋଜନାରେ ଅନୁଷ୍ଠିତ ଏହି ସଚେତନତା ଶିବିରରେ ଆନନ୍ଦପୁର ବିଧାୟକ ଭାଗିରଥି ସେଠୀ, ହାଟଡିହି ବ୍ଲକର ବିଡିଓ ସୌମ୍ୟଶ୍ରୀ ପାଣିଗ୍ରାହୀ, ବ୍ଲକ ଅଧ୍ୟକ୍ଷା ସାବିତ୍ରୀ ସେଠୀ, ବ୍ଲକ ଉପାଧ୍ୟକ୍ଷ ରତିକାନ୍ତ ରାଉତ, ପୁର୍ବତନ ସରପଞ୍ଚ ଶଶାଙ୍କ ଶେଖର ପୁହାଣ ପ୍ରମୁଖ ଯୋଗଦେଇ ସରକାରଙ୍କ ବିଭିନ୍ନ ଜନକଲ୍ୟାଣ ଯୋଜନା ଗୁଡିକର କିପରି ସଫଳ ରୁପାୟନ ହୋଇପାରିଛି ତାହା ଉପରେ ଲୋକମାନଙ୍କୁ ସଚେତନ କରାଇଥିଲେ । ସରକାର ଜନ୍ମଠାରୁ ମୃତୁ୍ୟ ପର୍ଯ୍ୟନ୍ତ ସମସ୍ତ ଯୋଜନା କରିଥିବାବେଳେ ଏବେ ସ୍କୁଲ, କଲେଜ, ମଠ, ମନ୍ଦିର ମସଜିଦ ଗୁଡିକର ରୁପାନ୍ତରିତ କରିବା ସହିତ ପ୍ରତି ପଞ୍ଚାୟତକୁ ବସ୍ସେବା ଯୋଗାଇ ଦେଇ ଏକ ବୈପ୍ଳବିକ ପରିବର୍ତ୍ତନ ଆଣିଛନ୍ତି ବୋଲି ମତବ୍ୟକ୍ତ କରିଥିଲେ । ଉପସ୍ଥିତ ଲୋକମାନଙ୍କୁ ସରକାରଙ୍କ ସଫଳତାର କାହାଣୀ ସମ୍ବନ୍ଧିତ ପୁସ୍ତିକା ମାନଙ୍କ ବଣ୍ଟନ କରାଯାଇଥିଲା । ହାସ୍ୟକବି ବିଭୁ କିଶୋର ମିଶ୍ରଙ୍କ ଦ୍ୱାରା ଅତି ଚମକ୍ରାର ଢ଼ଙ୍ଗରେ କବିତା ମାଧ୍ୟମରେ ଲୋକମାନଙ୍କୁ ସରକାରଙ୍କ ଯୋଜନା ଗୁଡିକ ସମ୍ପର୍କରେ ସୁଚିତ କରାଯାଇଥିଲା । ଏଥିରେ ପିଇଓ ଜିତେନ୍ଦ୍ର କୁମାର ଯେନା, ଜିଆରଏସ ସୌଭାଗିନୀ ରାୟ ସର୍ଦ୍ଦାର, ସମାଜସେବୀ ଚିନ୍ତାମଣୀ ରାଉତ, ରମେଶ ବିଶ୍ୱାଳ, ସନ୍ତୋଷ ପଣ୍ଡା, ଯୁଦ୍ଧିଷ୍ଠିର ରାଉତ, କାଳନ୍ଦୀ ନାୟକ, ପ୍ରଦୀପ ରାଉତ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।


