ଶ୍ରୀଜଗନ୍ନାଥ ମନ୍ଦିର ପ୍ରତିଷ୍ଠା

ନିମାପଡ଼ା,( ସନ୍ତୋଷ ଦାଶ) ପୁରୀ ଜିଲ୍ଲା ନିମାପଡ଼ା ବ୍ଲକ ତୁଳସୀପୁର ଗ୍ରାମର ମା କନକ ଦୁର୍ଗା ମନ୍ଦିର ପରିସର ରେ ଆଜି ଏକ ନବ ନିର୍ମିତ ଶ୍ରୀ ଜଗନ୍ନାଥ ମନ୍ଦିର ପ୍ରତିଷ୍ଠା ହୋଇ ଥିଲା। ଗ୍ରାମ ର ଗବେଷକ, ଲେଖକ ଲକ୍ଷ୍ମୀଧର ସାହୁ ଙ୍କ ଆର୍ଥିକ ଅନୁଦାନ ସହାୟତାରେ ଉକ୍ତ ମନ୍ଦିର ର ନିର୍ମାଣ କାର୍ଯ୍ୟ ହୋଇଥିଲା।ଅନୁଷ୍ଠିତ ପ୍ରତିଷ୍ଠା ଉତ୍ସବ ରେ କର୍ତ୍ତା ଭାବେ ଗ୍ରାମ କମିଟି ସଭାପତି ବନବିହାରୀ ଦାଶ ଯୋଗ ଦେଇଥିବାବେଳେ ପୁରୋହିତ ଭାବେ ଦିଲ୍ଲୀପ କୁମାର ମିଶ୍ର ପୂଜାନୀତି ଅନୁଷ୍ଠିତ କରିଥିଲେ।ସୂଚନା ଯୋଗ୍ୟ ଯେ, ଉକ୍ତ ଗ୍ରାମ ରେ କାହିଁ କେତେ କାଳରୁ ରଥଯାତ୍ରା ଅନୁଷ୍ଠିତ ହୋଇ ଆସୁଛି। ପ୍ରାଚୀ ଉପତ୍ୟକା ରେ ପୂଜା ପାଇ ଆସୁଥିବା ଶ୍ରୀ ଗୁରୁଦେବ ଏହି ଗ୍ରାମ କୁ ଆସି ରଥଯାତ୍ରା ରେ ଭାଗ ନେଇଥାନ୍ତି। ଏହି ଗ୍ରାମ ରେ ଶ୍ରୀ ଗୁଣ୍ଡିଚା ମନ୍ଦିର ନ ଥିବାରୁ ଶ୍ରୀ ଗୁରୁଦେବ ଆସି ମା କନକ ଦୁର୍ଗା ମନ୍ଦିର ରେ ଉପବେଶନ କରିଥାନ୍ତି। ଏଠାରେ ନୂଆ ଭାବେ ଶ୍ରୀ ଜଗନ୍ନାଥ ମନ୍ଦିର ନିର୍ମାଣ ହେବାରୁ ଏବେ ଶ୍ରୀ ଗୁରୁଦେବ ଶ୍ରୀ ଗୁଣ୍ଡିଚା ଠାରୁ ବାହୁଡା ଯାତ୍ରା ପର୍ୟ୍ୟନ୍ତ ଏହି ମନ୍ଦିର ରେ ଉପବେଶନ ହୋଇ ଭକ୍ତ ମାନଙ୍କୁ ଦର୍ଶନ ଦେବେ ବୋଲି କହିଛନ୍ତି ଗ୍ରାମ କମିଟି ସଭାପତି ବନବିହାରୀ ଦାଶ। ଶ୍ରୀ ଜଗନ୍ନାଥ ମନ୍ଦିର ପ୍ରତିଷ୍ଠା ଉତ୍ସବ ପାଇଁ ସମଗ୍ର ଗ୍ରାମ ଉତ୍ସବ ମୁଖର ହୋଇ ଉଠିଥିଲା।