ଜିଲ୍ଲା ସ୍ତରୀୟ ଶିଶୁଙ୍କ ଓଜନ ଓ ଉଚ୍ଚତା ନିରୀକ୍ଷଣ ତାଲିମ କାର୍ଯ୍ୟକ୍ରମ ଉଦଯାପିତ

ଛତ୍ରପୁର, (ଯୁଗାବ୍ଦ ନ୍ୟୁଜ):ଛତ୍ରପୁର ସ୍ଥିତ ଜଉଗଡ଼ ସମ୍ମିଳନୀ କକ୍ଷରେ ଜିଲ୍ଲା ସ୍ତରୀୟ ଶିଶୁଙ୍କ ଓଜନ ଓ ଉଚ୍ଚତା ନିରୀକ୍ଷଣ ତାଲିମ କାର୍ଯ୍ୟକ୍ରମ ଉଦଯାପିତ ହୋଇଯାଇଛି l ଏହି କାର୍ଯ୍ୟକ୍ରମରେ ଜିଲ୍ଲା ସମାଜ ଓ ମଙ୍ଗଳ ଅଧିକାରିଣୀ ଆବିଦା ପରବୀନ, ୟୁନିସେଫର ପରାମର୍ଶ ଦାତା ଅକ୍ଷୟ ଲିମା, ଗଞ୍ଜାମ ଜିଲ୍ଲା ୟୁନିସେଫର ପରାମର୍ଶ ଦାତା ସତେଶ୍ୱର ନାହାକ ଓ ଜନ୍ମଜୟ ନାୟକ,ଆକ୍ସନ ହେଡ଼ର ଗଞ୍ଜାମ ଜିଲ୍ଲା ସଂଯୋଜକ ଦେବବ୍ରତ ମାହୁନ୍ତ, ପୋଷଣର ଜିଲ୍ଲା ସଂଯୋଜକ ଅମିତ କୁମାର ତ୍ରିପାଠୀ, ଜିଲ୍ଲା ସହ ସଂଯୋଜକ ଅଶ୍ୱିନୀ କୁମାର ଗୌଡ଼ ପ୍ରମୁଖ ଯୋଗ ଦେଇଥିଲେ l ଗଞ୍ଜାମ ଜିଲ୍ଲା ସମାଜ ମଙ୍ଗଳ ବିଭାଗ ପକ୍ଷରୁ ଶିଶୁ ଓ ମହିଳା ବିକାଶ ବିଭାଗ ଓ ମିଶନ ଶକ୍ତି ବିଭାଗର ମିଳିତ ଆନୁକୂଲ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ସମନ୍ୱିତ ଶିଶୁ ବିକାଶ ପ୍ରକଳ୍ପର ସିଡ଼ିପିଓ, ସୁପରଭାଇଜର ଙ୍କ ସମେତ ବିଭିନ୍ନ ଅଧିକାରୀଙ୍କୁ ଶିଶୁ ମାନଙ୍କ ଠିକ ଭାବେ ଯତ୍ନ ନିଆଯିବା ସହିତ ସରକାରଙ୍କ ନିର୍ଦେଶାବଳି ଅନୁଯାୟୀ ସେମାନଙ୍କର ସଠିକ ଭାବେ ଉଚ୍ଚତା ନିରୀକ୍ଷଣ କରାଯିବା ନେଇ ତାଲିମ ଦିଆଯାଇଥିଲା l ଗତ ଦୁଇ ଦିନ ଧରି ଚାଲିଥିବା ଏହି ତାଲିମ କାର୍ଯ୍ୟକ୍ରମ ଉଦଯାପିତ ହୋଇଯାଇଛି l ଆଗାମୀ ଦିନରେ ସମସ୍ତ ଅଙ୍ଗନବାଡ଼ି କେନ୍ଦ୍ରରେ ଏହି ତାଲିମ ପ୍ରଦାନ କରାଯିବାର ଯୋଜନା ରହିଥିବା ସୂଚନା ମିଳିଛି l