କୋଣାର୍କ ସାମ୍ବାଦିକ ସଂଘର କର୍ମକର୍ତ୍ତା ନିର୍ବାଚନ ଓ ସାଂଗଠନିକ ବୈଠକ
କୋଣାର୍କ, (ଗଣେଶ ଚନ୍ଦ୍ର ବେହେରା):ବିଶ୍ବ ଐତିହ୍ୟ ପର୍ଯ୍ୟଟନ ସ୍ଥଳୀ କୋଣାର୍କର ଅଗ୍ରଣୀ ଅନୁଷ୍ଠାନ କୋଣାର୍କ ସାମ୍ବାଦିକ ସଂଘର ନୂତନ କାର୍ଯ୍ଯକର୍ତ୍ତା ନିର୍ବାଚନ ଓ ସାଂଗଠନିକ ବୈଠକ ସଂଘ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି। ବରିଷ୍ଠ ସାମ୍ବାଦିକ ନିରଂଜନ ବାରିକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ସର୍ବସମ୍ମତି କ୍ରମେ ନିଷ୍ପତ୍ତି ଗ୍ରହଣ ଓ ଆଲୋଚନା କରାଯାଇ କୋଣାର୍କ ସାମ୍ବାଦିକ ସଂଘର ସଭାପତି ଭାବେ ଜ୍ଯୋତିରାଜ ମହାନ୍ତି, ଉପସଭାପତି ଭାବେ ଭାଗୀରଥି ସ୍ୱାଇଁ, ସଂପାଦକ ଭାବେ ମନୋରଞ୍ଜନ ପଣ୍ଡା, କୋଷାଧ୍ୟକ୍ଷ ଭାବେ ସ୍ବାଧୀନ କୁମାର ନାୟକ, ମୁଖ୍ୟ ଉପଦେଷ୍ଟା ଭାବେ ମାନସ ରଞ୍ଜନ ପାତ୍ର, ନିରଞ୍ଜନ ବାରିକ ପ୍ରମୁଖଙ୍କୁ ନିର୍ବାଚିତ କରାଯାଇଥିଲା। ସଂଘର କାର୍ଯ୍ୟକାରିଣୀ ସଦସ୍ୟ ଭାବେ ସାମ୍ବାଦିକ ପ୍ରଦୀପ କୁମାର ଛାଟୋଇ, ଗଣେଶ ଚନ୍ଦ୍ର ବେହେରା, ଅରୁଣ କୁମାର ବିଶ୍ବାଳ, ରୀତାରାଣୀ ସେଠ, ଦେବ ପ୍ରସାଦ ବେଉରା, ଅରୁନାଭ କର ପ୍ରମୁଖଙ୍କୁ ନିର୍ବାଚିତ କରାଯାଇଛି। ଏହି ପରିପ୍ରେକ୍ଷୀରେ ସଂଗଠନ ପକ୍ଷରୁ ଆଗାମୀ ଦିନରେ ବିଭିନ୍ନ ଜନକଲ୍ୟାଣକାରୀ ଚସାମାଜିକ କାର୍ଯ୍ୟକ୍ରମ, କୋଣାର୍କର ବିକାଶ ପାଇଁ ଉନ୍ନୟନ କାର୍ଯ୍ୟ ତ୍ୱରାନ୍ୱିତ ନିମନ୍ତେ ସରକାରଙ୍କ ନିକଟରେ ଦାବି ଉପସ୍ଥାପନ କରିବା ପାଇଁ ସଂଘ ପକ୍ଷରୁ ନିରବଛିନ୍ନ ଭାବରେ କାର୍ଯ୍ୟ କରିବା ପାଇଁ ବୈଠକରେ ସମସ୍ତ କର୍ମକର୍ତ୍ତା ଶପଥପାଠ କରିଥିଲେ। ଏହି ବୈଠକରେ ସଂଗଠନର ଆଗାମୀ ଦୁଇବର୍ଷ ପାଇଁ କାର୍ଯ୍ୟପନ୍ଥା ଓ ରଣନୀତି ପ୍ରସ୍ତୁତ କରାଯାଇଥିଲା।
