ଛାତ୍ରୀଙ୍କ ଅଶ୍ଳିଳ ଫଟୋ ଭାଇରାଲ,ଥାନାରେ ଲିଖିତ ଅଭିଯୋଗ

ନାଉଗାଁ, (ଯୁଗାବ୍ଦ ନ୍ୟୁଜ):ନାଉଗାଁ ଥାନା ଅନ୍ତର୍ଗତ ଜଣେ କଲେଜ ଛାତ୍ରୀଙ୍କ ଅଶ୍ଳିଳ ଫଟୋ ଭାଇରାଲ ହେଉଥିବା ନେଇ ଛାତ୍ରୀଙ୍କ ପରିବାର ପକ୍ଷରୁ ଥାନାରେ ଲିଖିତ ଅଭିଯୋଗ କରାଯାଇଛି । ଅଭିଯୋଗକୁ ଭିତିକରି ଥାନା ପକ୍ଷରୁ ମାମଲା ରୁଜୁ କରାଯିବା ସହ ତଦନ୍ତ ଜାରି ରହିଛି । ଥାନା ପକ୍ଷରୁ ଫଟୋ ଷ୍ଟୁଡିଓର କମ୍ପୁଟରକୁ ମଧ୍ୟ ଯାଂଚ କରାଯାଇଥିବା ଭାରାପ୍ରାପ୍ତ ଅଧିକାରୀ ନିଳମଣୀ ନାୟକ ପ୍ରକାଶ କରିଛନ୍ତି । ଛାତ୍ରୀର ପରିବାରଙ୍କ ଅଭିଯୋଗ ମୁତାବକ ତାଙ୍କ ଝିଅଙ୍କ ଅଶ୍ଳିଳ ଫଟୋ ବିଭିନ୍ନ ମୋବାଇଲରୁ ମୋବାଇଲି ଘୁରି ବୁଲୁଥିବା ଜାଣିବାକୁ ପାଇଥିଲେ । ଏସଂକ୍ରାନ୍ତରେ ଜାଣିବା ପରେ ତାଙ୍କ ପଡୋଶୀଙ୍କ ସାହାଯ୍ୟ ନେଇଥିଲେ । ପଡୋଶୀଙ୍କ ସୂଚନା ମୁତାବକ ପାଇକସାହି ଛକ ନିକଟରେ ଥିବା ଏକ ଷ୍ଟୁଡିଓରେ ଯୁବକ ଜଣକ ଦ୍ୱାରା ଫଟୋକୁ ଏଡିଟିଂ କରାଯାଇ ଭାଇରାଲ କରାଯାଇଛି । ଫଳରେ ତାଙ୍କ ଝିଅ ପାଠ ପଢି ପାରୁ ନଥିବା ବେଳେ ବାହାରକୁ ବାହାରିବାକୁ ମଧ୍ୟ ଖରାପ ଲାଗୁଛି । ତେଣୁ ଏହାର ସଠିକ ତଦନ୍ତ କରାଯାଇ ନ୍ୟାୟ ପ୍ରଦାନ କରିବାକୁ ଅଭିଯୋଗରେ ଦର୍ଶାଯାଇଛି ।