ମଝିପଡାରେ ମା’ କୁତାମଚଣ୍ଡୀଙ୍କ ମନ୍ଦିର ପ୍ରତିଷ୍ଠା ଉତ୍ସବ

ନାଉଗାଁ,(ଓ୍ବାଇଏନଏସ): ଜଗତସିଂହପୁର ଜିଲ୍ଲା ନାଉଗାଁ ବ୍ଳକ ଅନ୍ତର୍ଗତ ଗଙ୍ଗଦା (ମଝିପଡା) ଗ୍ରାମର ପରମଆରଧ୍ୟା ଦେବୀ ମା’ କୁତାମଚଣ୍ଡୀ ଓ ପରମ ବୈଷ୍ଣବୀଙ୍କର ନବ ନିର୍ମିତ ଭବ୍ୟ ମନ୍ଦିର ପ୍ରତିଷ୍ଠା ଉତ୍ସବ ଶନିବାର ଅନୁଷ୍ଠିତ ହୋଇଯାଇଛି। ଏହି ଅବସରରେ ମନ୍ଦିର ପରିସରରୁ ୧୦୮କଳସ ଶୋଭାଯାତ୍ରାରେ ନିଆଯାଇ ବନ୍ଧମୁଣ୍ଡାସ୍ଥିତ ଯମୁନା ସ୍ନାନ ଦେଳ ମେଳଣ ଘାଟରୁ ପୂର୍ଣ୍ଣ କଳସ ଅଣାଯାଇ ସ୍ଥାପନ କରାଯାଇଥିଲା। ଯଥାରିତି ପୂର୍ବକ ପୂଜା ପାଠ କରାଯାଇ ମନ୍ଦିର ପ୍ରତିଷ୍ଠା ଉତ୍ସବ କାର୍ଯ୍ୟ କରାଯାଉଛି। ଏହି କାର୍ଯ୍ୟକ୍ରମରେ ବିଶ୍ୱଶାନ୍ତି ମହାଯଜ୍ଞ କରାଯିବା ସହ ସଂଧ୍ୟାରେ ଆଧ୍ୟାତ୍ମିକ ପ୍ରବଚନ ଆଦି କାର୍ଯ୍ୟକ୍ରମ ଅନୁଷ୍ଠିତ ହେଉଛି। ଏହି କାର୍ଯ୍ୟକ୍ରମରେ ବାବା ଦିବାକର ଦାସ ପ୍ରବଚନ ପ୍ରଦାନ କରୁଥିବା ବେଳେ ଗ୍ରାମବାସୀ ଏହି କାର୍ଯ୍ୟକ୍ରମକୁ ପରିଚାଳନା କରୁଛନ୍ତି।