‘ସମ୍ବାଦ-ସାହିତ୍ୟଘର’ ପକ୍ଷରୁ ବୃକ୍ଷରୋପଣ
ହାଟଡିହି, (ଓ୍ବାଇଏନଏସ): ଯୁବ ସ୍ବାଭିମାନ ଦିବସ ଉପଲକ୍ଷେ ହାଟଡିହି ବ୍ଲକ୍ ଶାସଙ୍ଗ ପଞ୍ଚାୟତ ହାଇସ୍କୁଲ ପରିସରରେ ହାଟଡିହି ‘ସମ୍ବାଦ ସାହିତ୍ୟଘର’ ପକ୍ଷରୁ ବୃକ୍ଷରୋପ ରାପଣ କରାଯାଇଛି । ସାହିତ୍ୟଘର ଆବାହକ କିଶୋର ଆଚାର୍ଯ୍ୟଙ୍କ ସଂଯୋଜନାରେ ପରିଚାଳିତ କାର୍ଯ୍ୟକ୍ରମରେ ସାହିତ୍ୟଘର ସଭାପତି ଅନ୍ତର୍ଯ୍ୟାମୀ ରାଉତ, ସମ୍ପାଦକ ଶ୍ରୀକାନ୍ତ ପଟ୍ଟନାୟକ, ସହସମ୍ପାଦକ ନାରାୟଣ ସାହୁ, ଉପଦେଷ୍ଟା ଅମୂଲ୍ୟ ମିଶ୍ର, ସାମ୍ବାଦିକ ପାର୍ଥ ସୌରଭ ସା, ବିଦ୍ୟାଳୟର ପ୍ରଧାନଶିକ୍ଷକ ରାଧାକୃଷ୍ଣ ପତି, ଶିଶିର କୁମାର ବିଶ୍ବାଳ, ମାଧବାନନ୍ଦ ଜେନା, ଲକ୍ଷ୍ମୀକାନ୍ତ ମିଶ୍ର, ପଦ୍ମନାଭ ପଣ୍ଡା, ଶାନ୍ତନୁ କୁମାର ରାଉତ, ପ୍ରଦୀପ କୁମାର ସ୍ବାଇଁ, ପର୍ଶୁରାମ ନାୟକ, ସତ୍ୟବ୍ରତ ବିଶ୍ଵାଳ ପ୍ରମୁଖ ଯୋଗଦେଇ ବିଭିନ୍ନ କିସମର ୨୦ଟି ଚାରାରୋପଣ କରିଥିଲେ । ଛାତ୍ରଛାତ୍ରୀ ନିଜ ପ୍ରଚେଷ୍ଟାରେ ଗଛଗୁଡ଼ିକର ଯତ୍ନ ନେବାକୁ ଶପଥ ନେଇଥିଲେ । ପ୍ରତ୍ୟେକ ଛାତ୍ରଛାତ୍ରୀ ଓ ଅଭିଭାବକ ନିଜ ଘରବାଡ଼ିରେ ପ୍ରତିବର୍ଷ ଗୋଟିଏ ଲେଖାଏଁ ବୃକ୍ଷରୋପଣ କରିବାକୁ ସଚେତନ କରଯାଇଥିଲା ।
