ଦୁର୍ଘଟଣାରେ ପୁରୋହିତ ଆହତ

ଗାଙ୍ଗପୁର,(ସନ୍ତୋଷ କୁମାର ବିଷୋଇ): ଯଜମାନଙ୍କ ମଙ୍ଗଳ କାମନା କରି ଘରକୁ ଫେରୁଥିବା ସମୟରେ ଦୁର୍ଘଟଣାର ଶିକାର ହୋଇଛନ୍ତି ଜନୈକ ଯୁବ ପୁରୋହିତ I ସୂଚନା ପ୍ରକାରେ ବେଲଗୁଣ୍ଠା ବ୍ଳକ୍ ବିଜୟଲକ୍ଷ୍ମୀ ଶରଣପୁର ଗ୍ରାମର ଦିଲ୍ଲୀପ୍ କୁମାର ମିଶ୍ର(40) ନାମଙ୍କ ଜଣେ ଯୁବ ପୁରୋହିତ ଯଜମାନ କାର୍ଯ୍ୟ ସାରି ବୋରୀପଦର ପଟୁ ଅପରାହ୍ଣ ଚାରି ଘଣ୍ଟା 45 ମିନିଟ୍ ସମୟରେ ନିଜ ଗ୍ରାମକୁ ମୋଟରସାଇକେଲ୍ ଯୋଗେ ଫେରୁଥିଲେ I ଏହି ସମୟରେ ଟିକରପଡା ପୂର୍ବରୁ ଏକ ବୁଲାଣି ରାସ୍ତାରେ ନିଜ ଗାଡ଼ି ଆଗକୁ କୌଣସି ଜନ୍ତୁ ଆସିଯିବାରୁ ସେ ହଠାତ୍ ଭାରସାମ୍ୟ ହରାଇ ତଳେ ପଡ଼ିଯାଇଥିଲେ I ଘଟଣା ସ୍ଥଳରୁ ପୂର୍ବତନ ସରପଞ୍ଚ ପ୍ରମୋଦ କୁମାର ପ୍ରଧାନ ଏବଂ ସରପଞ୍ଚ ପ୍ରତିନିଧି ଶଙ୍କର ବାବୁ ଦିଲୀପଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ବେଲଗୁଣ୍ଠା ମେଡ଼ିକାଲ୍ ରେ ଭର୍ତି କରିଥିବା ଜଣାପଡିଛି I