ନାଉଗାଁ ବ୍ଳକରେ ଦେବ ଦମ୍ଫତିଙ୍କ ବିବାହ ଉତ୍ସବ ପାଳିତ

ନାଉଗାଁ,(ଯୁଗାବ୍ଦ ନ୍ୟୁଜ୍) : ପବିତ୍ର ଶୀତଳ ଷଷ୍ଠୀ ଅବସରରେ ନାଉଗାଁ ବ୍ଳକର ବିଭିନ୍ନ ଦେବ ମନ୍ଦିରରେ ଶୁକ୍ରବାର ଦେବ ଦମ୍ଫତି ବିବାହ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ଶାଳିଜଙ୍ଗାର ସିଦେ୍ଧଶ୍ୱର,ତିରୁଣାର ସୁବର୍ଣ୍ଣେଶ୍ୱର,ନନ୍ଦିଗ୍ରାମର ନନ୍ଦକିଶୋର, କୋରୁଅର ନିଳକଣ୍ଠେଶ୍ୱର ମହାଦେବ, ଗଜରାଜପୁର ତୁମ୍ବେଶ୍ୱର, କୁଣ୍ଡେଶ୍ୱରର ତ୍ରିଲୋଚନେଶ୍ୱର ମନ୍ଦିରରେ ଏହି ବିବାହ କାର୍ଯ୍ୟ ସଂପନ୍ନ କରାଯାଇଥିଲା । ମହାପ୍ରଭୁ ମହାଦେବଙ୍କୁ ସୁସଜ୍ଜିତ କରାଯାଇ ପାଲିଙ୍କିରେ ଗ୍ରାମ ପରିକ୍ରମା କରାଯିବା ସହିତ ବାଣ ଫୁଟାଇ ରୋଷଣୀ ଆଦି କରାଯାଇ ମାତା ପାର୍ବତୀଙ୍କ ମନ୍ଦିରଙ୍କୁ ଆସିଥିଲେ । ସେଠାରେ ମହାଦେବ ଓ ପାର୍ବତୀଙ୍କର ବିବାହ କାର୍ଯ୍ୟ ସଂପନ୍ନ କରାଯାଇଥିଲା । ଦେବ ଦମ୍ଫତି ଙ୍କର ଏହି ବିବାହ କାର୍ଯ୍ୟ ଦେଖିବା ପାଇଁ ସ୍ଥାନୀୟ ଅଂଚଳର ବହୁ ଶ୍ରଦ୍ଧାଳୁଙ୍କର ସମାଗମ ହୋଇଥିଲା । ଏହି କାର୍ଯ୍ୟକ୍ରମକୁ ପ୍ରତ୍ୟେକ ଗ୍ରାମର ଗ୍ରାମବାସୀମାନେ ପରିଚାଳନା କରିଥିଲେ ।