ନିମ୍ନମୁଖି ହୋଇ ବନ୍ଦ ହେଲା ସେନ୍ସେକ୍ସ

ନୂଆଦିଲ୍ଲୀ, (ଏଜେନ୍ସି): ଦୁର୍ବଳ ବିଶ୍ୱସ୍ତରୀୟ ସଙ୍କେତ ଯୋଗୁଁ ଶେୟାର ବଜାରରେ ଲଗାତାରେ ୪ଦିନ ଧରି ଜାରି ରହିଥିବା ବୃଦ୍ଧିରେ ଶୁକ୍ରବାର ପୂର୍ଣ୍ଣଛେଦ ପଡ଼ିଛି । ସୂଚନା ପ୍ରଦ୍ୟୋଗିକ ଓ ଧାତୁ କମ୍ପାନୀଗୁଡ଼ିକର ଶେୟାରରେ ସାମାନ୍ୟ ହ୍ରାସ୍ ଦେଖିବାକୁ ମିଳିଛି । ଯଦ୍ୱାରା ସେନ୍ସେକ୍ସ ୫୪ପଏଣ୍ଟ ହ୍ରାସ୍ରେ ବନ୍ଦ ହୋଇଛି । ଶୁକ୍ରବାର କାରବାର ଶେଷ ସୁଦ୍ଧା ବିଏସ୍ଇର ୩୦ ଶେୟାର ଯୁକ୍ତ ପ୍ରମୁଖ ଇଣ୍ଡେକ୍ସ ସେନ୍ସେକ୍ସ ୫୩.୯୯ ପଏଣ୍ଟ ତଥା ୦.୧୫% ହ୍ରାସ୍ରେ ୩୬,୬୭୧.୪୩ପଏଣ୍ଟରେ ବନ୍ଦ ହୋଇଛି । ଅନ୍ୟପକ୍ଷରେ ଏନ୍ଏସ୍ଇର ୫୦ ଶେୟାର ଯୁକ୍ତ ପ୍ରମୁଖ ଇଣ୍ଡେକ୍ସ ନିଫ୍ଟି ୨୨.୮୦ ପଏଣ୍ଟ ତଥା ୦.୨୧% ହ୍ରାସ୍ରେ ୧୧,୦୩୫.୪୦ପଏଣ୍ଟରେ ବନ୍ଦ ହୋଇଛି । ସପ୍ତାହ ମଧ୍ୟରେ ସେନ୍ସେକ୍ସ ୬୦୭.୬୨ପଏଣ୍ଟ ଓ ନିଫ୍ଟିରେ ୧୭୧.୯ପଏଣ୍ଟ ବୃଦ୍ଧି ଦାଏର କରାଯାଇଛି । ବିଶ୍ୱସ୍ତରୀୟ ସଙ୍କେତ ମଧ୍ୟରେ ଭାରତୀୟ ବଜାରରେ ଆଜି ମନ୍ଥରତା ଦେଖିବାକୁ ମିଳିଛି । ତେବେ ପ୍ରତିଷ୍ଠିତ ମିଡ଼୍କ୍ୟାପ୍ ଓ ସ୍ମଲକ୍ୟାପ୍ ଇଣ୍ଡେକ୍ସ କାରବାର ଚାପରେ ବନ୍ଦ ହୋଇଥିଲା । ବିଏସ୍ଇର ମିଡ଼୍କ୍ୟାପ୍ ଇଣ୍ଡେକ୍ସ ୦.୧୪% ଦୁର୍ବଳ ହୋଇ ୧୪,୭୯୫ପଏଣ୍ଟରେ ରହିଥିବା ବେଳେ ସ୍ମଲକ୍ୟାପ୍ ଇଣ୍ଡେକ୍ସ ୩୮.୩୭% ସୁଦୃଢ଼ ହୋଇ ୧୪,୫୭୮ପଏଣ୍ଟରେ ବନ୍ଦ ହୋଇଛି ।