ବଞ୍ଚୋ ପଞ୍ଚାୟତରେ କୃଷି ସାମଗ୍ରୀ ବିତରଣ ଓ ସଚେତନତା କାର୍ଯ୍ୟକ୍ରମ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ବଞ୍ଚୋ ପଞ୍ଚାୟତ କାର୍ଯ୍ୟାଳୟ ପରିସରରେ କୃଷି ବିଭାଗ ପକ୍ଷରୁ ଚାଷୀ ମାନଙ୍କୁ କୃଷି ସାମଗ୍ରୀ ବିତରଣ ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ବଞ୍ଚୋ ପଞ୍ଚାୟତର ସରପଞ୍ଚ ପ୍ରଶାନ୍ତ ରାଉତ, ସାଂସଦ ପ୍ରତିନିଧି ଜ୍ଞାନ ରଞ୍ଜନ ସାମନ୍ତ ସିଂହାର, ଗ୍ରାମ୍ୟ କୃଷି କର୍ମଚାରୀ ଉମେଶ ପ୍ରଧାନ, କୃଷକ ସାଥି ମନୋଜ ବରାଳ ପ୍ରମୁଖ ଯୋଗଦେଇ ଧାନଚାଷ ପରେ ପଡିଆ ରହୁଥିବା ଜମିର ଉପଯୋଗ କରିବା ପାଇଁ ଚାଷୀ ମାନଙ୍କୁ ସଚେତନ କରାଇ ଥିଲେ। ଏହି ଅବସରରେ ଚାଷୀଙ୍କୁ ମୁଗ, ବିରି, ସୋରିଷ, ସୋଲା ଆଦି ବିହନ ବଣ୍ଟନ କରାଯାଇଥିଲା। ଏହି କାର୍ଯ୍ୟକ୍ରମରେ ସୁଚିତ୍ରା ନନ୍ଦ ବରାଳ, ନାକଫୋଡି ଜେନା, ରମେଶ ବିଶ୍ଵାଳ, ଅକ୍ଷୟ ଖଟୁଆ, ଅଜୟ ବରାଳ, ଶାନ୍ତନୁ ଜେନାଙ୍କ ସମେତ ୫୦ ରୁ ଉର୍ଦ୍ଧ୍ଵ ଚାଷୀ ଯୋଗ ଦେଇଥିବା ବେଳେ ପଞ୍ଚାୟତର ବିଭିନ୍ନ ଗ୍ରାମର ୧୫୦ ରୁ ଉର୍ଦ୍ଧ୍ଵ ଚାଷୀଙ୍କୁ ବିହନ ବଣ୍ଟାଯିବ ବୋଲି ଗ୍ରାମ୍ୟ କୃଷି କର୍ମଚାରୀ ସୁଚ଼ନା ଦେଇଛନ୍ତି।