ଡାକ୍ତର ତ୍ରିଲୋଚନ ଜେନାଙ୍କ ପ୍ରଥମ ଶ୍ରାଦ୍ଧ ବାର୍ଷୀକ ଅନୁଷ୍ଠିତ

ନାଉଗାଁ,(ଯୁଗାବ୍ଦ ନ୍ୟୁଜ୍):ନାଉଗାଁ ବ୍ଳକ ଅନ୍ତର୍ଗତ ହରିହରାନନ୍ଦ ଆଶ୍ରମ ପରିସରରେ ରବିବାର ସ୍ୱର୍ଗତ ଡାକ୍ତର ତ୍ରିଲୋଚନ ଜେନାଙ୍କ ପ୍ରଥମ ଶ୍ରାଦ୍ଧ ବାର୍ଷିକ ପାଳନ କରାଯାଇଛି । ଏହି ଅବସରରେ ଗୋଠଦା ମଠାଧିସ ତଥା ଓଡିଶା ସାଧୁସନ୍ଥ ସମାଜରେ ସଭାପତି ମହନ୍ତ ଚିନ୍ତାମଣୀ ପର୍ବତ ଗୋସ୍ୱାମୀଙ୍କ ସଭାପତିତ୍ୱରେ ଆୟୋଜିତ ସନ୍ଥ ସମ୍ମିଳନୀ ରେ ପ୍ରାଚୀ ଗୁରୁକ୍ଷେତ୍ର ମୟାହାଟ ପୁରୀର ବାବା ଦାମୋଦର ଦାସ, ଡାକ୍ତର ବିପିନ ବିହାରୀ ମହାନ୍ତି, ପୂର୍ବତନ ବିଧାୟକ ଜ୍ୟୋତିଷ ଚନ୍ଦ୍ର ଦାସ, ଆଇ ଆଇ ଟି ଖଡଗପୁରର ପ୍ରଫେସର ଡଃ ଅରବିନ୍ଦ ରାଉତରାୟ,ଗିରିଧର ମହାନ୍ତି ଓ ବଂଶୀଧର ଆଚାର୍ଯ୍ୟ ଯୋଗ ଦେଇଥିଲେ । ବାବା ଦିବ୍ୟକୃଷ୍ନ ଦାସ ଓ କ୍ରିୟାଯୋଗୀ ପରମହଂସ ପ୍ରଜ୍ଞାନନ୍ଦ ଜୀ ଯୋଗ ଦେଇଥିଲେ । ସନ୍ଥମାନେ ଉପସ୍ଥିତ ଶ୍ରଦ୍ଧାଳୁ ମାନଙ୍କୁ ଆଶ୍ରୀ ବଚନ ପ୍ରଦାନ କରିବା ସହିତ ଡାକ୍ତର ଜେନା ଙ୍କର ସ୍ମୃତିଚାରଣ କରିଥିଲେ । ଅତ୍ୟାଧୁନିକ ସମାଜରେ ଡାକ୍ତର ମାନେ ସେବାକୁ ବ୍ୟବସାୟୀ କରଣ କରିଛନ୍ତି, କିନ୍ତୁ ଏହି ମାଟିର ପୁଅ ସ୍ୱଳ୍ପ ମୂଲ୍ୟରେ ନିଃସ୍ୱାର୍ଥପର ଭାବେ ସେବା ଯୋଗଇ ଆସୁଥିଲେ । ଏହା ସମସ୍ତଙ୍କ ପାଇଁ ଉଦାହରଣ ବୋଲି ଅତିଥି ମାନେ ମତବ୍ୟକ୍ତ କରିଥିଲେ । ଏହି କାର୍ଯ୍ୟକ୍ରମକୁ ଶିକ୍ଷକ ସୁକାନ୍ତ କୁମାର ଲେଙ୍କାଙ୍କ ସମେତ ଆଶ୍ରମର ସମସ୍ତ ଗୁରୁଭାଇ ପରିଚାଳନା କରିଥିଲେ ।