ଟ୍ରକ କୁ ଧକା ଦେଲା ଟ୍ରକ ;୨ ମୃତ
ବ୍ରହ୍ମପୁର,(ରାଜେଶ କୁମାର ପଟ୍ଟନାୟକ):ଗଞ୍ଜାମ ଜିଲ୍ଲା ୧୬ନଂ. ଜାତୀୟ ରାଜପଥରେ ଶନିବାର ଗୋଳନ୍ଥରା ଥାନା ଅଟୋନଗର ନିକଟରେ ଟ୍ରକ୍ ପଛକୁ ଅନ୍ୟ ଏକ ଟ୍ରକ ଧକ୍କା ଦେବାରୁ ୨ ଜଣଙ୍କ ମୃତ୍ୟୁ ଘଟିଛି। ମୃତକ ହେଲେ ହେଲପର ଓ ଭଦ୍ରକ ଜିଲ୍ଲା ସଂଗ୍ରାମପୁର ଗ୍ରାମର ଶରତ ଦାସ, ଟ୍ରକ୍ ଚାଳକ ଗୁରୁତର ହୋଇଛନ୍ତି। ଏ ନେଇ ପୋଲିସ ନଂ. ୨୬୪/୨୦ରେ ମାମଲା ରୁଜୁ କରି ତଦନ୍ତ ଚଳାଇଛି।ପ୍ରକାଶ ଯେ, ଏକ ଟ୍ରକ୍ ଆସାମରୁ ଚା’ଗୁଣ୍ଡ ଧରି ତାମିଲନାଡୁର କୋଏମ୍ବାଟୁର ଯାଉଥିଲା। ଭୋରରେ ଚା’ଗୁଣ୍ଡ ବୋଝେଇ ଟ୍ରକ୍ଟି ଅନ୍ୟ ଏକ ଟ୍ରକ୍କୁ ଓଭରଟେକ୍ କରୁଥିବା ବେଳେ ଅଟୋନଗରସ୍ଥିତ ଓଭରବ୍ରିଜରେ ନିର୍ମାଣ କାର୍ଯ୍ୟ ଚାଲୁଥିବା ସ୍ଥାନରେ ଆଗରେ ଯାଉଥିବା ଟ୍ରକ୍କୁ ପଛପଟୁ ଧକ୍କା ଦେଇଥିଲା। ଫଳରେ ହେଲ୍ପର ଏବଂ ଶରତ ରାସ୍ତା କଡ଼କୁ ଛିଟିକି ପଡ଼ି ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଗାଡ଼ି ଚାଳକ ଟ୍ରକ୍ ଭିତରେ ଚାପି ହୋଇ ରହିଯାଇଥିଲେ। ଖବରପାଇ ଅଗ୍ନିଶମ ବିଭାଗ ଓ ଗୋଳନ୍ଥରା ପୋଲିସ ଘଟଣାସ୍ଥଳରେ ପହଂଚି ଅଗ୍ନିଶମ କର୍ମଚାରୀମାନେ ଚାଳକଙ୍କୁ ଉଦ୍ଧାର କରି ବ୍ରହ୍ମପୁର ବଡ଼ ଡାକ୍ତରଖାନାରେ ଭର୍ତ୍ତି କରିଥିଲେ। ସୂଚନାଥାଉକି, ଶରତ ବାଲେଶ୍ୱରରୁ ଟ୍ରକ୍କୁ ଲିଫ୍ଟ ମାଗି ଚେନ୍ନାଇ ଯାଉଥିଲେ। ଦୁର୍ଘଟଣାଗ୍ରସ୍ତ ଟ୍ରକ୍କୁ ପୋଲିସ ଜବତ କରିଛି।
