ଖବର ପ୍ରକାଶନ ପରେ ଚେତିଲା ପ୍ରଶାସନ: ନିର୍ମାଣ କାର୍ଯ୍ୟକୁ ନେଇ ଅସନ୍ତୋଷ ପ୍ରକାଶ କଲେ ବିଭାଗୀୟ ଅଧିକ୍ଷଣ ଯନ୍ତ୍ରୀ

ହିଂଜିଳିକାଟୁ, (ଶେଷଦେବ ସାହୁ): ଗଂଜାମ ଜିଲ୍ଲା ହିଂଜିଳିକାଟୁ ବ୍ଳକ ମକରଝୋଳ ପଂଚାୟତ ପଲ୍ଲୀପନ୍ମନାଭପୁର ମଶାଣିଆ ଘାଇ ନିକଟସ୍ଥ ଚାଷୀଙ୍କ ଚାଷ ଜମିକୁ ଜଳ ଯୋଗାଣ ସକାଶେ କ୍ଷୁଦ୍ର ଜଳସେଚନ ବିଭାଗ ପକ୍ଷରୁ ପ୍ରାୟ ୧କୋଟି ୩୮ ଲକ୍ଷ ଟଙ୍କା ବ୍ୟୟରେ ନିର୍ମାଣ କରାଯାଇଥିବା କେନାଲ ଗାର୍ଡ଼ ୱାଲ ଗତ ୩ ତାରିଖ ସନ୍ଧ୍ୟାରେ ବର୍ଷା ଜଳରେ ଭାଙ୍ଗି ଭୁଷୁଡ଼ି ପଡ଼ିଥିଲା । ଏ ନେଇ ୱେବ ପେର୍ଟାଲ ଯୁଗାବ୍ଦରେ ୪ ତାରିଖରେ ‘ ଯନ୍ତ୍ରୀ – ଠିକାଦାର ମଧୁଚନ୍ଦ୍ରିକା : ନିର୍ମାଣର୨ ମାସ ନୁପୁରୁଣୁ କେନାଳ ଗାର୍ଡ଼ ୱାଲ ଭାଙ୍ଗିଲା ଖବର ପ୍ରକାଶ ପାଇଥିଲା । ଖବର ପ୍ରକାଶନ ପରେ ଚେତିଛି ପ୍ରଶାସନ । ଶନିବାର ସକାଳେ ବିଭାଗୀୟ ଅଧିକ୍ଷଣ ଯନ୍ତ୍ରୀ ଇଂ. ଜାମିନିକାନ୍ତ ଦାସ ଘଟଣା ସ୍ଥଳରେ ପଂହଚି କେନାଳ ନିର୍ମାଣ କାର୍ଯ୍ୟ ବୁଲି ଦେଖିଥିଲେ । ନିର୍ମାଣ କାର୍ଯ୍ୟ ଅତ୍ୟନ୍ତ ନିମ୍ନମାନର କରାଯାଇଥିବାରୁ ଅସନ୍ତୋଷ ପ୍ରକାଶ କରିଥିବା ଜଣାପଡ଼ିଛି । ପୁନଃ ନିର୍ମାଣ କାର୍ଯ୍ୟ ଇଣ୍ଡିଆନ ଷ୍ଟାଣ୍ଡାର୍ଡ଼ କୋଡ଼୍ ଅନୁଯାୟୀ କରିବା , କେନାଳ ମରାମତି କାର୍ଯ୍ୟ ଶୀଘ୍ର ଶେଷ କରିବା ଓ କେନାଳ ନିର୍ମାଣ କାର୍ଯ୍ୟରେ କିଛିଟା ପରିବର୍ତନ କରିବା ଲାଗି ବିଭାଗୀୟ କନିଷ୍ଠ ଯନ୍ତ୍ରୀ ଉମାଚରଣ ସେଠିଙ୍କୁ ନିର୍ଦ୍ଦେଶ ଦେଇଥିଲେ । ଖବର ପ୍ରକାଶନ ପରେ ପ୍ରଶାସନର ଚେତା ପଶିବା ସହିତ ବିହିତ ପଦକ୍ଷେପ ଗ୍ରହଣ କରାଯାଇଥିବା ଯୋଗୁଁ ସ୍ଥାନୀୟ ଅଂଚଳବାସୀ ‘ୱେବ ପେର୍ଟାଲ ଯୁଗାବ୍ଦ ରସମ୍ପାଦକଙ୍କୁ ସାଧୁବାଦ ଜଣାଇଛନ୍ତି ।
ପ୍ରକାଶ ଥାଉକି, ବିଭିନ୍ନ କ୍ଷେତ୍ରରେ ବିକାଶ ଲାଗି ସରକାର କୋଟ କୋଟି ଟଙ୍କା ଖର୍ଚ୍ଚ କରିବାରେ ଲାଗିଛନ୍ତି । ଏଥି ସକାଶେ ରାଜକୋଷରୁ ବାର୍ଷିକ କୋଟି କୋଟି ଟଙ୍କା ବ୍ୟୟବରାଦ କରାଯାଉଛି । ଯନ୍ତ୍ରୀ- ଠିକାଦାରଙ୍କ ମଧୁଚନ୍ଦ୍ରିକା ଚାଲିଥିବା ଯୋଗୁଁ ନିର୍ମାଣ କାର୍ଯ୍ୟରେ ଚଂଚକତା କରି ନିମ୍ନମାନର କାର୍ଯ୍ୟ କରାଯାଉଅଛି । ଯଦ୍ୱାରା ଅଳ୍ପ କିଛି ଦିନ ପରେ ତାହା ନଷ୍ଟ ହେବାରେ ଲାଗିଛି । ଏପରି ଏକ ଘଟଣା ୩ ତାରିଖ ସନ୍ଧ୍ୟାରେ ରାଜ୍ୟ ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀର ପ୍ରାଣକେନ୍ଦ୍ର ହିଂଜିଳିକାଟୁ ବ୍ଳକ ପଲ୍ଲୀପଦ୍ମନାଭପୁର ଗ୍ରାମରେ ଦେଖିବାକୁ ମିଳିଛି । ଯନ୍ତ୍ରୀ- ଠିକାଦାରଙ୍କ ମଧୁଚନ୍ଦ୍ରିକାରେ ନିମ୍ନମାନର କାର୍ଯ୍ୟ କରାଯାଉଥିବା ଯୋଗୁଁ ଅକାରଣରେ ସ୍ଥାନୀୟ ବିଧାୟକ ତଥା ମୁଖ୍ୟମନ୍ତ୍ରୀଙ୍କ ସ୍ୱଛ ଶାସନରେ କଳା ଛିଟା ଲାଗିଛି ବୋଲି ସାଧାରଣରେ ଆଲୋଚନା ହେଉଛି । ପ୍ରତିବର୍ଷ ବର୍ଷା ଦିନ ପୂର୍ବରୁ ଲକ୍ଷାଧିକ ଟଙ୍କା ବ୍ୟୟରେ କେନାଲ ଗାଡ଼ଁ ୱାଲ ମରାମତି କରାଯାଇଥିଲା । ନିର୍ମାଣ କାର୍ଯ୍ୟରେ ଯନ୍ତ୍ରୀ- ଠିକାଦାରଙ୍କ ମଧୁଚନ୍ଦ୍ରିକା ଯୋଗୁଁ ନିର୍ମାଣ କାର୍ଯ୍ୟରେ ଚଂଚକତା କରି ନିମ୍ନମାନର କାର୍ଯ୍ୟ କରାଯାଇଥିବା ଦେଖିବାକୁ ମିଳିଥିଲା । । ଚାଷୀଙ୍କ ଚାଷ ଜମିକୁ ଜଳ ଯୋଗାଣ ସକାଶେ କ୍ଷୁଦ୍ର ଜଳସେଚନ ବିଭାଗ ପକ୍ଷରୁ ପ୍ରାୟ ୨ ମାସ ପୂର୍ବରୁ ୧କୋଟି ୩୮ ଲକ୍ଷ ଟଙ୍କା ବ୍ୟୟରେ ନିର୍ମାଣ କରାଯାଇଥିବା କେନାଲ ଗାର୍ଡ଼ ୱାଲ ବର୍ଷ ଜଳରେ ଭାଙ୍ଗି ଭୁଷୁଡ଼ି ପଡ଼ିଥିବା ଦେଖିବାକୁ ମିଳିଛି । ସାମାନ୍ୟ ବର୍ଷାରେ ସଂପୃକ୍ତ କେନାଳ ଗାର୍ଡ଼ ୱାଲ ଭୁଷୁଡ଼ି ପଡ଼ି କେନାଳ ପୋତି ହୋଇ ଯାଇଥିବା ଦେଖିବାକୁ ମିଳିଥିଲା । ଅନ୍ୟପକ୍ଷରେ ସଂପୃକ୍ତ ଠିକାଦାରଙ୍କ ଠାରୁ କ୍ଷୟକ୍ଷତି ଭରଣା କରିବାକୁ ଗ୍ରାମବାସୀ ଦାବି କରିଥିଲେ । ପ୍ରତିବର୍ଷ ବର୍ଷା ଦିନ ପୂର୍ବରୁ କ୍ଷୁଦ୍ର ଜଳସେଚନ ବିଭାଗ ପକ୍ଷରୁ କେନାଳ ମରାମତି ନାମରେ ବିଭାଗୟୀ କନିଷ୍ଠ ଯନ୍ତ୍ରୀ – ଠିକାଦାର ମିଳିମିଶି ଲକ୍ଷାଧିକ ଟଙ୍କା ଚଳୁ କରୁଥିବା ନେଇ ସଂପୃକ୍ତ ଗ୍ରାମର ଚାଷୀ ଦିବାକର ଗଉଡ଼, ବାଂଛାନିଧି ଗଉଡ଼, ନାର୍ସୁ ଗଉଡ଼, ଶରତ ଚନ୍ଦ୍ର ପଟ୍ଟନାୟକ, ରୁଷିଆ ଗଉଡ଼ ପ୍ରମୁଖ ବିଭାଗୀୟ ଅଧିକ୍ଷଣ ଯନ୍ତ୍ରୀଙ୍କୁ କହିଥିଲେ ।