କେବିସି ସିଜନ ୧୩: ହିମାନି ବନିଲେ କରୋଡପତି
ମୁମ୍ବାଇ: ହିମାନି ବୁନ୍ଦେଲା ‘କନ ବନେଗା କରୋଡପତି ‘ ସିଜନ 13 ର ପ୍ରଥମ କରୋଡପତି ହୋଇଛନ୍ତି | ଉତ୍ତରପ୍ରଦେଶର ଆଗ୍ରା ନିବାସୀ 25 ବର୍ଷୀୟ ହିମାନୀ ବୁନ୍ଦେଲା ବୃତ୍ତି ଅନୁଯାୟୀ ଶିକ୍ଷକ ଅଟନ୍ତି | ଗତକାଲି ରିଲିଜ୍ ହୋଇଥିବା ଏପିସୋଡରେ ହିମାନି ଏକ କୋଟି ସମ୍ବନ୍ଧୀୟ ପ୍ରଶ୍ନର ସଠିକ୍ ଉତ୍ତର ଦେଇ କୋଟିପତି ହୋଇଥିଲେ, ଯଦିଓ ସେ 7 କୋଟି ପ୍ରଶ୍ନ ଉପରେ ସୋ ଛାଡିବାକୁ ନିଷ୍ପତ୍ତି ନେଇଥିଲେ, ତେବେ ସେ ଗୋଟିଏ କୋଟି ଏହି ଶୋରୁ ଜିତିଛନ୍ତି । ଏକ ଦୁର୍ଘଟଣା ହେତୁ ହିମାନି ତାଙ୍କ ଦୃଷ୍ଟିଶକ୍ତିକୁ ହରେଇଥିଲେ | ଯଦିଓ ସେ ତାଙ୍କ ଜୀବନରେ ବହୁତ ଖୁସିରହୁଥିଲେ ତେବେ ସେ ତାଙ୍କର ଦୁର୍ବଳତାକୁ ହିିଁ ଶକ୍ତି ଭାବରେ ବିବେଚନା କରୁଥିଲେ | କେବିସି ଆସିବା ପରେ ତାଙ୍କର ଆଶା ଆହୁରି ଉଚ୍ଚ ହୋଇଯାଇଥିଲା । ନିକଟରେ ଏକ ସାକ୍ଷାତକାରରେ ସେ ଏହା ପ୍ରକାଶ କରିଛନ୍ତି। ଏବେ ଆସନ୍ତୁ କେବିସିର ସେହି ପ୍ରଶ୍ନଗୁଡ଼ିକ ବିଷୟରେ ଆଲୋଚନା କରିବା, ଯାହା ହିମାନୀଙ୍କୁ କୋଟିପତି କରାଇଛି | ଅମିତାଭ ହିମାନୀଙ୍କୁ ପଚାରିଥିବା ପ୍ରଶ୍ନ ଦ୍ୱିତୀୟ ବିଶ୍ୱଯୁଦ୍ଧ ସହିତ ଜଡିତ ଥିଲା। ତାଙ୍କର ପ୍ରଶ୍ନ ଥିଲା – ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଫ୍ରାନ୍ସରେ ବ୍ରିଟିଶ ଗୁପ୍ତଚର ଭାବରେ କାର୍ଯ୍ୟ କରୁଥିବାବେଳେ ନୁର ଇନାୟତ ଖାନ ଏହି ଛଦ୍ମନାମ ମଧ୍ୟରୁ କେଉଁଟି ବ୍ୟବହାର କରିଥିଲେ? ଏହି ପ୍ରଶ୍ନର ସଠିକ୍ ଉତ୍ତର ଥିଲା ଜାନ-ମାରି ରେଏନର୍ | ଏହାର ଉତ୍ତର ଦେଇ ହିମାନୀ କୋଟିଏ ଟଙ୍କାର ବିଜେତା ହୋଇଥିଲେ।
