ନିଆରା ସମାଜସେବୀ ସନ୍ତୋଷ

କଳାହାଣ୍ଡି, (ଯୁଗାବ୍ଦ ନ୍ୟୁଜ) : ସନ୍ତୋଷ କୁମାର ମେହେର ସମାଜସେବା କ୍ଷେତ୍ରରେ ଏକ ଉଜ୍ଜ୍ୱଳ ପ୍ରତିଭା, ଜଣେ ଯୁବ ଉଦୀୟମାନ କବି, ଲେଖକ, ତଥା ସମାଜସେବା କ୍ଷେତ୍ରରେ ବେଶ୍ ନାମ ଅର୍ଜନ କରିପାରିଛନ୍ତି । ବହୁ ସାରସ୍ୱତ ସମ୍ମାନ ଓ ପୁରସ୍କାର ପାଇଥିଲେ ମଧ୍ୟ ତିଳେ ମାତ୍ର ଗର୍ବ, ଅହଙ୍କାର ମନରେ ନାହିଁ । ସାରସ୍ୱତ ସାହିତ୍ୟ ପତ୍ରିକା \”ବୋଉ\’ ମାଧ୍ୟମରେ ନିଜର ପ୍ରତିଭାକୁ ବିକଶିତ କରିବା ସହିତ ସମାଜର ଅବହେଳିତ, ଅସହାୟ ବ୍ୟକ୍ତିବିଶେଷଙ୍କୁ ସାହାଯ୍ୟ ପ୍ରଦାନ କରିଆସୁଛନ୍ତି । ରକ୍ତଦାନ, ବୃକ୍ଷରୋପଣ, କରୋନାରେ ପୀଡ଼ିତମାନଙ୍କୁ ସାହାଯ୍ୟ ପ୍ରମୁଖ କାର୍ଯ୍ୟ କରିଥାନ୍ତି । ସମ୍ପ୍ରତି କୁରୁଗୁଡ଼ା ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ, ଜୁନାଗଡ଼ରେ ସହକାରୀ ଶିକ୍ଷକ ତଥା ତାଲିମପ୍ରାପ୍ତ ଜାତୀୟ ସମର ଶିକ୍ଷାର୍ଥୀ ବାହିନୀ ଅଧିକାରୀ ରୂପେ କାର୍ଯ୍ୟରତ ।