କନ୍ଧମାଳ ଜିଲ୍ଲା ଅନୁଦାନ ପ୍ରାପ୍ତ ବେସରକାରୀ ଏବଂ ଅଣଅନୁଦାନ ପ୍ରାପ୍ତ କଲେଜ କର୍ମଚାରୀ ସଂଘର ବୈଠକ

ରାଇକିଆ, (ପ୍ରଦୀପ ବେହେରା):କନ୍ଧମାଳ ଜିଲ୍ଲା ଅନୁଦାନ ପ୍ରାପ୍ତ ବେସରକାରୀ କଲେଜ ଓ ଅଣ ଅନୁଦାନ ପ୍ରାପ୍ତ କଲେଜ କର୍ମଚାରୀ ସଂଘ ତରଫ ରୁ ମଙ୍ଗଳବାର ରାଇକିଆ ସ୍ଵସ୍ତିକ କଲ୍ୟାଣ ମଣ୍ଡପ ଠାରେ ବୈଠକ ଅନୁଷ୍ଠିତ ହୋଇଯାଇଛି । ରାଜ୍ୟରେ ତିନିଶହ ରୁ ଉର୍ଦ୍ଧ ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକା ମାନେ ପରିଚାଳନା କମିଟି ଦ୍ୱାରା ନିଯୁକ୍ତି ପାଇଁ ବହୁତ କମ୍ ପାରିଶ୍ରମିକ ରେ କାମ କରି ଆସୁଛନ୍ତି । ଗଣ ଶିକ୍ଷା ବିଭାଗ କିମ୍ବା ଉଚ୍ଚଶିକ୍ଷା ବିଭାଗ ଏଥି ପ୍ରତି କର୍ଣ୍ଣପାତ କରୁ ନାହିଁ । ସରକାରୀ କର୍ମଚାରୀ ଭଳି ସମସ୍ତ କାମ କରିଆସୁଥିଲେ ମଧ୍ୟ ଆଜି ପର୍ଯ୍ୟନ୍ତ ନିୟମିତ ହୋଇ ପାରୁ ନାହିଁ । ଏ ଦିଗ ରେ ସରକାର ଙ୍କ ପକ୍ଷ ରୁ ଅନୁଦାନ ପ୍ରଦାନ ନେଇ ସମ୍ପୂର୍ଣ୍ଣ ଅବହେଳା ପ୍ରଦର୍ଶନ କରାଯାଉଥିବା ରୁ ସଂଘ ପକ୍ଷରୁ କ୍ଷୋଭ ପ୍ରକାଶ କରାଯାଇଥିଲା । ସଙ୍ଘ ସଭାପତି ଅଧ୍ୟାପକ ଶଙ୍କର ପାଢ଼ୀ , ଉପସଭାପତି ବିରଞ୍ଚି ନାରାୟଣ ସାହୁ, ସମ୍ପାଦକ ଶିବ ରାମ ବେହେରା, ସାଧାରଣ ସମ୍ପାଦିକା ଗୀତାଞ୍ଜଳି ଗନ୍ତାୟତ , ଉପଦେଷ୍ଟା ଅକ୍ଷୟ ବେହେର ଦଳାଇ ଙ୍କ ସମେତ ଜିଲ୍ଲାର ବିଭିନ୍ନ କଲେଜ ରୁ ଅଧ୍ୟାପିକା, ଅଧ୍ୟାପକ ଓ କର୍ମଚାରୀ ମାନେ ଯୋଗ ଦେଇଥିଲେ ।