ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ୍ ତରଫରୁ ‘କ୍ଳିନ୍ ଆଣ୍ଡ୍ ଗ୍ରୀନ୍ ‘ କାର୍ଯ୍ୟକ୍ରମ

ଛତ୍ରପୁର, (ଦେବଦତ୍ତ ମହାରଣା):ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ୍ ତରଫରୁ ଗଂଜାମ ବ୍ଳକ ଅନ୍ତର୍ଗତ ଖଣ୍ଡଦେଉଳି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଆନୁକୂଲ୍ୟରେ “କ୍ଲିନ୍ ଆଣ୍ଡ୍ ଗ୍ରୀନ୍ ” କାର୍ଯ୍ୟକ୍ରମ ସଂଗଠିତ କରାଯାଇ ସ୍ବଚ୍ଛତା ଓ ସବୁଜ ବଳୟ ସୃଷ୍ଟି କରିବା ପାଇଁ ସଚେତନତା ସୃଷ୍ଟି କରାଯାଇଥିଲା ।ଖଣ୍ଡଦେଉଳି ଭଗତ୍ ସିଂ ଡିଗ୍ରୀ କଲେଜ ର ଛାତ୍ର ଛାତ୍ରୀ, ଅଧ୍ୟାପକ ଅଧ୍ୟାପିକା ରୋଟାରୀ କ୍ଳବ ର ସଦସ୍ୟ ମାନେ ଏକ ରାଲିରେ ସଚେତନତା ସୃଷ୍ଟି କରିଥିଲେ । ଖଣ୍ଡଦେଉଳି ସି ଏଚ୍ ସି ର ସୁପରିଟେଣ୍ଡଣ୍ଟ୍ ଡାକ୍ତର ସୌମ୍ୟ ରଂଜନ ମହାପାତ୍ରଙ୍କ ସଂଯୋଜନା ରେ ଏବଂ ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟର ସଭାପତି ସୁମିତ ପଟ୍ଟନାୟକଙ୍କ ପରିଚାଳନାରେ ହସ୍ପିଟାଲ ପରିସରରେ ଔଷଧୀୟ ବୃକ୍ଷ ରୋପଣ କାର୍ଯ୍ୟକ୍ରମ ସଂଗଠିତ ହୋଇଥିଲା ।ପରବର୍ତ୍ତୀ ସମୟରେ ଖଣ୍ଡଦେଉଳି ଉଚ୍ଚ ବିଦ୍ୟାଳୟ ପରିସରରେ ଛାତ୍ରଛାତ୍ରୀଙ୍କୁ ହାତ ଧୂଆ କୌଶଳ ଉପରେ କ୍ଳବର ପୂର୍ବତନ ସଭାପତି ଡାକ୍ତର ସମ୍ବିତ୍ ବେଗରାୟ ତାଲିମ ପ୍ରଦାନ କରିଥିଲେ ଏବଂ ସମସ୍ତେ ଖାଇବା ପୂର୍ବରୁ ଏବଂ ପରେ ହାତ ଧୋଇବା ପାଇଁ ପରାମର୍ଶ ଦେଇଥିଲେ ।ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଡଃ ଶଙ୍କର ନାରାୟଣ ବେଜ ଙ୍କ ପୌରହିତ୍ୟରେ ଅନୁଷ୍ଠିତ ଏକ ସଂକ୍ଷିପ୍ତ କାର୍ଯ୍ୟକ୍ରମ ରେ ବିଦ୍ୟାଳୟ ର ସମସ୍ତ ଶିକ୍ଷକ ଓ କର୍ମଚାରୀ ସହଯୋଗ କରିଥିଲେ ।ଉଭୟ କାର୍ଯ୍ୟକ୍ରମରେ ପୂର୍ବତନ ସଭାପତି ବୃନ୍ଦ କାମରାଜୁ ମହାରଣା, ଗଦାଧର ରାଉଳ, ଅରୁଣ ଚାନ୍ଦ ଦାଶ, ଆଇ.ରାଜେଶ୍ବର ରାଓ, ଅଜିତ କୁମାର ପୃଷ୍ଟି, ଅସିତ ଦତ୍ତ,କୁଶ ପାତ୍ର, ପ୍ରଦୀପ କୁମାର ପଣ୍ଡା ଙ୍କ ସମେତ ଦୁର୍ଗା ରାଓ,ଜୟନ୍ତ ପାତ୍ର, ନାରସୁ ଜେନା, ପ୍ରଦୀପ ପଟ୍ଟନାୟକ, ଏମ୍. ମନୋଜ,ଲିଙ୍ଗରାଜ ନାୟକ,କୃଷ୍ଣ ପ୍ରସାଦ ଦାସ ପ୍ରମୁଖ ଏବଂ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ର ଜନ ଶିକ୍ଷା ସଂପ୍ରସାରଣ ଅଧିକାରୀ ସଂଯୁକ୍ତା ରାଣୀ ଜେନା, ବରିଷ୍ଠ ଯକ୍ଷ୍ମା ନିୟନ୍ତ୍ରଣ ଅଧିକାରୀ ପ୍ରଭୁ ଦତ୍ତ ଶତପଥୀ ପ୍ରମୁଖ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ ଏବଂ ଶେଷରେ ବ୍ଳକ ପ୍ରୋଗ୍ରାମ ମ୍ୟାନେଜର ସରୋଜ କୁମାର ମହାନ୍ତି ଧନ୍ୟବାଦ ଅର୍ପଣ କରିଥିଲେ ।