ସଦର ବିଜେଡି ର ଜନସମ୍ପର୍କ ପଦଯାତ୍ରା ଅନୁଷ୍ଠିତ ହେଲା ପ୍ରସ୍ତୁତି ବୈଠକ

ବାଲେଶ୍ବର, (ସରୋଜ ପଣ୍ଡା):ସଦର ନିର୍ବାଚନ ମଣ୍ଡଳୀ ବିଜୁ ଜନତା ଦଳର ଜନସମ୍ପର୍କ ପଦଯାତ୍ରା ପାଇଁ ଏକ ପ୍ରସ୍ତୁତି ବୈଠକ ସ୍ଥାନୀୟ ଷ୍ଟେସନ କ୍ଲବ ପରିସରରେ ଅନୁଷ୍ଠିତ ହୋଇଯାଇଛି।ବାଲେଶ୍ବର ବିଜେଡି ଟାଉନ ସଭାପତି ସନତ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ବାଲେଶ୍ବର ବିଧାୟକ ସ୍ୱରୂପ କୁମାର ଦାସ ଯୋଗଦେଇ ଆସନ୍ତା ଆଠ ତାରିଖ ରବିବାର ଦିନ ଏହି ପଦ ଯାତ୍ରା ମିଶନ ପଡିଆ ରୁ ବାହାରି ବିଭିନ୍ନ ମହାପୁରୁଷ ମାନଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରାଯାଇ ଗାନ୍ଧିସ୍ମୃତି ଭବନ ଠାରେ ପହଂଚିବାର କାର୍ଯ୍ୟକ୍ରମ ସ୍ଥିର କରାଯାଇଛି।ସେଠାରେ ଏକ ବିରାଟ ସଭା ଅନୁଷ୍ଠିତ ହେବ।ଉକ୍ତ କାର୍ଯ୍ୟକ୍ରମରେ ରାଜ୍ୟ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଏବଂ ଜିଲ୍ଲା ପର୍ଯ୍ୟବେକ୍ଷକ ତଥା ମନ୍ତ୍ରୀ ପ୍ରତାପ ଦେବ ଯୋଗ ଦେବେ ବୋଲି ବିଧାୟକ ସୂଚନା ଦେଇଥିଲେ।ସାଧାରଣ ଲୋକମାନଙ୍କ ସହ ସମ୍ପର୍କ ଗଢିବା ପାଇଁ ଏହି ପଦ ଯାତ୍ରା ଅକ୍ଟୋବର ୨ ତାରିଖରୁ ୧୧ ତାରିଖ ପର୍ଯ୍ୟନ୍ତ ସାରା ରାଜ୍ୟରେ ବିଜେଡି ପକ୍ଷରୁ ଅନୁଷ୍ଠିତ କରାଯାଉଛି।ସେହି ପରି ଆସନ୍ତା୧୨,୧୩ ଏବଂ ୧୪ ତାରିଖରେ ସଦର ନିର୍ବାଚନ ମଣ୍ଡଳୀ ସ୍ତରୀୟ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହେବ ବୋଲି ବିଧାୟକ ଶ୍ରୀ ଦାସ ସୂଚନା ଦେଇଥିଲେ।ବୈଠକରେ ବିଜେଡି ଜିଲ୍ଲା ସାଧାରଣ ସମ୍ପାଦକ ରଞ୍ଜନ ବାଗ, ସଦର ବ୍ଲକ ବିଜେଡି ସଭାପତି ବସନ୍ତ ପଣ୍ଡା,ପୌର ଉପାଧ୍ୟକ୍ଷ କୈଳାଶ ଚନ୍ଦ୍ର ସେଠୀ,ଜିଲ୍ଲା ସମ୍ପାଦକ ମନୋଜ ରାଉତ,ସଦର ନିର୍ବାଚନ ମଣ୍ଡଳୀ ଯୁବ ସଭାପତି ସେଖ ଆନସର,ବିଜୁ ଯୁବ ଜନତା ଦଳ ଜୋନାଲ ସାଧାରଣ ସମ୍ପାଦକ ତଥା ସଦର ନିର୍ବାଚନ ମଣ୍ଡଳୀ ଗଣମାଧ୍ୟମ ସଂଯୋଜକ ଧୀରେନ ନାୟକ,ବରିଷ୍ଠ ନେତା ଗୌରୀ ବାରିକ,ରାଜ୍ୟ ମହିଳା ବିଜୁ ଜନତା ଦଳ ସମ୍ପାଦିକା ଦୀପାରାଣୀ ସାହୁ,ଜିଲ୍ଲା ଯୁବ ଡିଜିଟାଲ ସମ୍ପାଦକ ଅବିନାଶ ନାୟକ ପ୍ରମୁଖ ମଞ୍ଚାସିନ ରହି ଜନ ସମ୍ପର୍କ ପଦଯାତ୍ରାର ଉଦେଶ୍ୟ ଏବଂ ଉପକାରିତା ବିଷୟରେ ବକ୍ତବ୍ୟ ପ୍ରଦାନ କରିଥିଲେ।ଅନ୍ୟ ମାନଙ୍କ ମଧ୍ୟରେ ସଦର ନିର୍ବାଚନ ମଣ୍ଡଳୀର ସମସ୍ତ ପଞ୍ଚାୟତ ଏବଂ ମୁନିସିପାଲିଟିର ସମସ୍ତ ୱାର୍ଡର ବିଜୁ ଜନତା ଦଳର ନେତୃବୃନ୍ଦ ଉପସ୍ଥିତ ଥିଲେ।