କଂଗ୍ରେସର କର୍ମୀ ସମ୍ମିଳନୀ ଓ ମିଶ୍ରଣ ପର୍ବ

କୋଣାର୍କ, (ଗଣେଶ ଚନ୍ଦ୍ର ବେହେରା):ଗୋପ ବ୍ଲକ ଅର୍ନ୍ତଗତ ନାଗପୁର ପଂଚାୟତରେ କଂଗ୍ରେସର ଏକ କର୍ମୀ ସମ୍ମିଳନୀ ଓ ମିଶ୍ରଣପର୍ବ ଅନୁଷ୍ଠିତ ହୋଇଯାଇଛି । ଗଙ୍ଗାଧର ଦାସଙ୍କ ସଭାପତିତ୍ଵରେ ଅନୁଷ୍ଠିତ ଏହି ସମ୍ମିଳନୀରେ ନିମାପଡା ନିର୍ଵାଚନ ମଣ୍ଡଳୀର କଂଗ୍ରେସ ଆଶାୟୀ ପ୍ରାର୍ଥି ସିଦ୍ଧାର୍ଥ ଶଙ୍କର ରାଉତରାୟ ଯୋଗଦେଇ କହିଥିଲେ । ଏଵେ ସମୟ ଆସିଛି, ରାଜ୍ୟରେ ଚାଲିଥିବା ଅତ୍ୟାଚାର, ଦୁର୍ନିତି, ଭ୍ରଷ୍ଟାଚାର ବିରୁଦ୍ଧରେ ସ୍ବର ଉତ୍ତୋଳନ କରିବା ପାଇଁ । ରାଜ୍ୟରେ ଚାଲିଥିବା ଏକଛତ୍ରଵାଦ ଶାସନର ପତନ ନହେଲେ ଆମ ରାଜ୍ୟ ଅଗ୍ରଗତି କରିପାରିବ ନାହିଁ । ବିଶେଷକରି ନିମାପଡା-ଗୋପ ନିର୍ଵାଚନ ମଣ୍ଡଳୀରେ ଯେପରି ଦୁର୍ନିତି, ଭ୍ରଷ୍ଟାଚାର ଦିନକୁ ଦିନ ଵୃଦ୍ଧି ପାଇବାରେ ଲାଗିଛି ଏହାର ମୂଳ ଉତ୍ପାଟନ କରି ବିକାଶର ଵାର୍ତ୍ତା ବାଣ୍ଟିବା ହେଉଛି ଆମର ଲକ୍ଷ୍ୟ । ତେଣୁ ଏହି ବିକାଶଧାରାକୁ ଆଗେଇ ନେଵା ପାଇଁ ଆଗାମୀ ୨୦୨୪ ସାଧାରଣ ନିର୍ବାଚନରେ ତାଙ୍କ ହାତମୁଠାକୁ ଟାଣ କରିବା ପାଇଁ ଆହ୍ବାନ ଦେଇଥିଲେ । ଏହି କାର୍ଯ୍ୟକ୍ରମରେ ଗୋପ ବ୍ଲକ କଂଗ୍ରେସ ସଭାପତି ଭାସ୍କର ସେଠ୍, ପୁରୀ ଜିଲ୍ଲା ଉପ ସଭାପତି ଲକ୍ଷ୍ମୀଧର ପ୍ରଧାନ, ସାଧାରଣ ସଂପାଦକ ରମେଶ ଚନ୍ଦ୍ର ଵେହେରା, ରଵିନ୍ଦ୍ର ପରିଡା, ନାଗପୁର ପଚାଂୟତ ସମିତିସଭ୍ୟ ପଚାଂନନ ପରିଡା ପ୍ରମୁଖ ଯୋଗଦେଇ କଂଗ୍ରେସର ଆଭିମୁଖ୍ୟ ସଂପର୍କରେ ଉପସ୍ଥିତ ଜନସାଧାରଣଙ୍କୁ କହିଥିଲେ । କଂଗ୍ରେସର ଆଦର୍ଶ, ନୀତିନିୟମ ସହ ଆଶାୟୀ ପ୍ରାର୍ଥି ସିଦ୍ଧାର୍ଥ ଶଙ୍କର ରାଉତରାୟଙ୍କ ଉପରେ ଆସ୍ଥା ପ୍ରକଟ କରି ନାଗପୁର ପଚାଂୟତ ଵିଜେପି ଓ ବିଜେଡି ଦଳର ପ୍ରଭାକର ସାହୁ, ପୂର୍ଣ୍ଣଚଦ୍ର ଵେହେରା, ପ୍ରକାଶ ଭୋଇ, ସୁକାନ୍ତ ସାହୁ, ପଵିତ୍ର ସାହୁ, ସୁଜିତ୍ ଵେହେରା, ଦିଲ୍ଲିପ ସେଠୀ, ସନ୍ତୋଷ ସାହୁ, ପ୍ରଭଞନ ପୃଷ୍ଟି, ଶିବ ପୃଷ୍ଟି ପ୍ରମୁଖ ୩୦ ଵିଜେପି ଓ ବିଜେଡି ପରିବାର ତାଙ୍କ ଦଳ ପରିତ୍ୟାଗ କରି ଵିଧିବଦ୍ଧ ଭାବେ କଂଗ୍ରେସରେ ଯୋଗଦେଇଥିଲେ । ପରେ ସେମାନଙ୍କୁ ସିଦ୍ଧାର୍ଥଙ୍କ ସହ ଅନ୍ୟ ନେତାମାନେ ଦଳୀୟ ଉତ୍ତୋରୀୟ ଦେଇ ସ୍ବାଗତ କରିଥିଲେ । ଏହି କାର୍ଯ୍ୟକ୍ରମକୁ କୁମର ରାଉତ, ବୃନ୍ଦାବନ ସ୍ବାଇଁ, ସୁଦର୍ଶନ ବଳବନ୍ତରାୟ, ଵୃନ୍ଦାବନ ପୃଷ୍ଟି ପ୍ରମୁଖ ପରିଚାଳନା କରିଥିଲେ ।