ନେଚୁରାଲ କପା ମିଲ ରେ ଅଘଟଣ କପାବସ୍ତା ପଡ଼ି ଶ୍ରମିକ ମୃତ

କେସିଙ୍ଗା, (ମାଧବସାହୁ):କଳାହାଣ୍ଡି ଜିଲ୍ଲା କେସିଙ୍ଗା ଥାନା ଅନ୍ତର୍ଗତ ଡୁମେରମୁଣ୍ଡା ସ୍ଥିତ ନେଚୁରାଲ୍ କପା ମିଲ ରେ ମଙ୍ଗଳବାର ଅପରାହ୍ନ ଚାରିଟା ସମୟରେ ଏକ ଅଘଟଣ ଘଟି ବଡ଼ ବଡ଼ କପା ବସ୍ତା ଜଣେ ଶ୍ରମିକ ଉପରେ ପଡିଯିବାରୁ ଶ୍ରମିକ ର ମୃତ ହୋଇଯାଇଥିବା ଜଣା ପଡ଼ିଛି।ପ୍ରାପ୍ତ ସୂଚନା ଅନୁଯାୟୀ ଅପରାହ୍ନ ୪ଟା ସମୟରେ ଏକ ଘରୋଇ ପିକଅପ୍ ରୁ ନେଚୁରାଲ କପାମିଲ ପରିସରରେ ରେ କପା ଅନଲୋଡ କରୁଥିବା ସମୟରେ ଗାଡ଼ି ଉପରେ ଥିବା ବଡ଼ କପାବସ୍ତା ଜଣେ ଶ୍ରମିକ ଉପରେ ପଡିଯିବାରୁ ଶ୍ରମିକ ର ବେକ ଗାଡ଼ିର ଲୁହାରଡ଼ ରେ ଫସି ଯାଇ ଥିଲା ଫଳରେ ଶ୍ରମିକ ଜଣକ ସେହି ସ୍ଥାନରେ ମୂର୍ଚ୍ଛା ହୋଇ ପଡ଼ି ଯାଇଥିଲେ।ପରେ ତାଙ୍କୁ ସଙ୍ଗେ ସଙ୍ଗେ କେସିଙ୍ଗା ଗୋଷ୍ଠି ସ୍ଵାସ୍ଥ୍ୟ କେନ୍ଦ୍ର କୁ ଆଣିଥିଲେ ଓ ଚିକିତ୍ସିତ ଅବସ୍ଥାରେ ଶ୍ରମିକର ମୃତ୍ୟୁ ଘଟିଛି।ମୃତକ ଜଣକ ମିଲ ନିକଟସ୍ଥ ଡୁମରମୁଣ୍ଡା ଗ୍ରାମର ଗଣେଶ ମାଝୀ(୪୦) ବୋଲି ଜଣାପଡିଛି।ତାଙ୍କର ସ୍ତ୍ରୀ ଓ ଗୋଟିଏ ଦୁଇ ବର୍ଷର ଶିଶପୁତ୍ର ଥିବା ବେଳେ ସ୍ତ୍ରୀ ପୁଣିଥରେ ଗର୍ଭବତୀ ଥିବା ଜଣା ପଡି ଥିବା ବେଳେ ପୋଲିସ ଖବର ପାଇ ପ୍ରାଥମିକ ତଦନ୍ତ କରୁଥିବା ଜଣାପଡିଛି।