ସ୍ବର୍ଗତ କାଶୀନାଥ ପଟ୍ଟନାୟକଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଉପଲକ୍ଷେ ସ୍ମୃତି ସଭା

କୋରାପୁଟ,(ହେମନ୍ତ ପାଣଗ୍ରାହୀ):କୋରାପୁଟ ଜିଲ୍ଲା ବୋରିଗୁମ୍ମା ବ୍ଲକ ଅନ୍ତର୍ଗତ ନୂଆଗାଁ ଗ୍ରାମ ଠାରେ ସ୍ଵର୍ଗତ ଶିକ୍ଷକ କାଶୀନାଥ ପଟ୍ଟନାୟକ ପ୍ରଥମ ଶ୍ରାଦ୍ଧ ବାର୍ଷିକୀ ଉପଲକ୍ଷେ ଏକ ସ୍ମୃତି ସଭାର ଆୟୋଜନ ହୋଇଥିଲା। ଏହି ସଭାକୁ ମୂଖ୍ୟ ଅଟିଥି ଭାବେ କୋଟପାଡ ବିଧାୟକ ଶ୍ରୀ ରୁପୁ ଭତ୍ରା ଓ ସମ୍ମାନୀତ ଅତିଥି ଭାବେ ପୁର୍ବତନ କୋଟପାଡ ବିଧାୟକ ଶ୍ରୀ ଚନ୍ଦ୍ର ଶେଖର ମାଝୀ ପ୍ରମୁଖ ଯୋଗଦେଇ ସ୍ବର୍ଗତ କାଶୀନାଥ ପଟ୍ଟନାୟକ ଙ୍କ ଫୋଟୋ ଚିତ୍ର ଉପରେ ପୁଷ୍ପ ମାଲ୍ୟାର୍ପଣ କରିଥଲେ । ସଭାରେ ଉପସ୍ଥିତ ଥିବା ମୁଖ୍ୟ ଅତିଥି ଓ ସମ୍ମାନିତ ଅତିଥି ମାନେ ସ୍ବର୍ଗତ କାଶୀନାଥ ପଟ୍ଟନାୟକ ଙ୍କ ସ୍ମୃତି ଚାରଣ କରିବା ସହ ଏକ ପୁସ୍ତକ ସ୍ମୃତି ରେ ତୁମେ କାଶୀନାଥ ନାମକ ଏକ ପୁସ୍ତକ ଉନ୍ମୋଚନ କରିଥିଲେ। ଅନ୍ୟାନ୍ୟ ଅତିଥି ଓ ପାରିବାର ବର୍ଗ ମଧ୍ୟ ସ୍ଵର୍ଗତ କାଶୀ ବାବୁଙ୍କ ସ୍ମୃତି ଚାରଣ କରିଥଲେ। କାଶୀନାଥ ବାବୁ ଏକାଧାରରେ ଜଣେ ସୁନାମଧନ୍ୟ ଶିକ୍ଷକ, ହୋମିଓ ପାଥି ବିଶାରଦ, ସଂଗ୍ରାହକ ଓ ଜ୍ୟୋତିର୍ବିଦ ଭାବରେ ବୋରିଗୁମ୍ମା ଅଞ୍ଚଳରେ ଜଣାଶୁଣା ଥିଲେ।