ଗୈାଡଗାଁରେ ଭୟାବହ ଅଗ୍ନିକାଣ୍ଡ ଘର ଓ ଗୁହାଳ  ଜଳିଗଲା ୩ ଗାଈ ଜୀବନ୍ତ ଦଗ୍ଧ 

ଦିଗପହଣ୍ଡି,(ଅଳକ ନାଥ ମିଶ୍ର):ଦିଗପହଣ୍ଡି ବ୍ଳକ ଅନ୍ତର୍ଗତ ଗୈାଡଗାଁ ନୂଆସାହିରେ ଭୟାବହ ଅଗ୍ନିକାଣ୍ଡ ଘଟିଥିବା ଜଣାପଡିଛି । ଅଗ୍ନିକାଣ୍ଡ ରେ  ମିଟୁ ସାହୁଙ୍କ ଘର ପୋଡି ଯାଇଥିବା ବେଳେ ଗ୍ରାମର ସନ୍ତୋଷ ସାହୁ , ସଦାନନ୍ଦ ସାହୁ ଓ କାଳୁ ସାହୁଙ୍କ ଗାଈ ଗୁହାଳ ମଧ୍ୟ ଜଳି ପୋଡି ପାଉଁଶ ହୋଇଯାଇଛି  । ମଙ୍ଗଳବାର ରାତି ପ୍ରାୟ ୧୨ ଟାରେ ଘଟିଥିବା  ଅଗ୍ନିକାଣ୍ଡର ପ୍ରକୋପରେ ୩ ଟି ଗାଈ ଜୀବନ୍ତ ଦଗ୍ଧ ଘଟିଛି। ଅନ୍ୟ ୨ ଟି ଗାଈ ପୋଡ଼ିଯାଇ ଗୁରୁତର ଆହାତ ହୋଇ ଚିକିତ୍ସିତ ହେଉଛନ୍ତି। ପ୍ରଥମେ ସନ୍ତୋଷଙ୍କ ଗୁହାଳରେ ନିଆଁ ଲାଗିଥିଲା ପରେ କାଳୁ ଓ ସଦାନନ୍ଦ ଙ୍କ ଗୁହାଳକୁ ନିଆଁ ବ୍ୟାପି ଯାଇଥିଲା । ଗ୍ରାମବାସୀ ନିଆଁକୁ ଆୟତ୍ତ ପାଇଁ ଆପ୍ରାଣ ଉଦ୍ୟମ କରିଥିଲେ ମଧ୍ୟ ନିଆଁର ପ୍ରକୋପକୁ ଆୟତ୍ତ କରିପାରିନଥିଲେ । ଚାହୁଁ ଚାହୁଁ ସବୁ ଜାଳି ପୋଡି ପାଉଁଶ ହୋଇଯାଇଥିଲା । ଖବରପାଇ ଦିଗପହଣ୍ଡି ଅଗ୍ନିଶମ ବାହିନୀ ଘଟଣାସ୍ଥଳରେ  ପହଞ୍ଚି ନିଆଁକୁ ଆୟତ୍ତ କରିଥିଲେ। ଜଣାପଡିଛି । ଏହି ଅଗ୍ନିକାଣ୍ଡରେ  କାଳୁ ଙ୍କ ଗୋଟିଏ  ଗାଈ ଗୁରୁତର ହୋଇଥିଲେ ମଧ୍ୟ ସଦାନନ୍ଦ ଙ୍କ ୨ ଟି ଗାଈ ଆଂଶିକ ଆହତ ହୋଇଛନ୍ତି । ବୁଧବାର ସକାଳୁ ଭ୍ରମରପୁର ରାଜସ୍ବ ନୀରିକ୍ଷକ ସୁନୀଲ କୁମାର ବେହେରା ଟିମ୍ ସହ ଗ୍ରାମରେ ପହଞ୍ଚି କ୍ଷୟକ୍ଷତିର ଅନୁସନ୍ଧାନ କରି ଦିଗପହଣ୍ଡି ତହସିଲଦାର ଙ୍କୁ ରିପୋର୍ଟ ପ୍ରଦାନ କରିଛନ୍ତି। ସେହିପରି ପ୍ରାଣୀ ଚିକିତ୍ସାଧିକାରୀ  ପହଞ୍ଚି ଗୁରୁତର ଗାଈଙ୍କ ଚିକିତ୍ସା କରି ଫେରିଥିବା ଜଣାପଡିଛି । ଗ୍ରାମବାସୀ  ବିପନ୍ନ ପରିବାର ଙ୍କୁ  ଯଥାଶୀଘ୍ର ସରକାରୀ ସହାୟତା ଯୋଗାଇଦେବା ନିମନ୍ତେ ଦାବି କରିଛନ୍ତି ।