ୟୁକୋ ବ୍ୟାଙ୍କର ୮୧ ତମ ପ୍ରତିଷ୍ଠା ଦିବସ ପାଳିତ

ନିମାପଡ଼ା,(ସନ୍ତୋଷ ଦାଶ):ନିକଟସ୍ଥ କାକଟପୁର ୟୁକୋ ବ୍ୟାଙ୍କ ଶାଖାର ୮୩ ତମ ପ୍ରତିଷ୍ଠା ଦିବସ ବ୍ୟାଙ୍କ ପରିସରରେ ପାଳିତ ହୋଇଯାଇଛି। ବ୍ୟାଙ୍କ ପରିଚାଳକ ଶୁଭାଶିଷ ପଣ୍ଡାଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ଅତିଥି ଭାବେ ପଣ୍ଡିତ ତ୍ରିଲୋଚନ ମିଶ୍ର, ପ୍ରାକ୍ତନ ପ୍ରଧ୍ୟାପକ ଭ୍ରମର ପଢ଼ିଆରୀ, ଯୁବ ବ୍ୟବସାୟୀ ରତିକାନ୍ତ ବେହେରା, ଅବସରପ୍ରାପ୍ତ ଶିକ୍ଷାବିତ ସୁନାକର ସାହୁ, ବ୍ୟବସାୟୀ ଗଗନ ନନ୍ଦୀ, ଆଲୋକ ଦୀକ୍ଷିତ, ସଂଜୟ ସାହୁ ପ୍ରମୁଖ ଯୋଗ ଦେଇ ବ୍ୟାଙ୍କର ଉତ୍ତମ ଗ୍ରାହକ ସେବା, ରାଜ୍ୟ ଓ କେନ୍ଦ୍ରସରକାର ଙ୍କ ବିଭିନ୍ନ ଲୋକାଭିମୁଖୀ ଯୋଜନା, ହିତାଧିକାରୀ ମାନଙ୍କ ଆବଶ୍ୟକତାକୁ ପୂରଣ କରିବାକୁ ସାମର୍ଥ୍ୟ ହୋଇପାରିଛି ବୋଲି ମତବ୍ୟକ୍ତ କରିଥିଲେ । ବ୍ୟାଙ୍କ ପରିଚାଳକ ଶ୍ରୀ ପଣ୍ଡା ବ୍ୟାଙ୍କ ଋଣ କ୍ଷେତ୍ରରେ ହିତାଧିକାରୀ ମାନଙ୍କ ପାଇଁ ସରଳିକରଣ ଯୋଜନା ଯୋଗୁଁ ଚାଷୀ ଓ କ୍ଷୁଦ୍ର ବ୍ୟବସାୟୀ ମାନେ ଆର୍ଥିକ ସ୍ୱଚ୍ଛଳ ହୋଇପାରୁଛନ୍ତି ମତ ପ୍ରକାଶ କରିଥିଲେ l ଉକ୍ତ କାଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସହ ପରିଚାଳକ ସୌଭାଗ୍ୟ ସୁରଭି, ରୋହିତ ଖିଲାର, କ୍ଷେତ୍ର ପରିଚାଳକ ବିସ୍ମୟ ମହାନ୍ତି, ପବିତ୍ର କୁମାର ଦୀକ୍ଷିତ ପ୍ରମୁଖ ଉପସ୍ଥିତ ଥିଲେ। ଶତାଧିକ ଗ୍ରାହକ ଯୋଗ ଦେଇ ବ୍ୟାଙ୍କର ବିଭିନ୍ନ ଯୋଜନା ବିଷୟରେ ଅବଗତ ହୋଇଥିଲେ।