ମିଳିତ ନିଶା ନିବାରଣ ଅଭିଯାନ (ମନା) ବାଲେଶ୍ୱର ତରଫରୁ ନବକୃଷ୍ଣ ଚୌଧୁରୀଙ୍କ ଜୟନ୍ତୀ ପାଳନ

ବାଲେଶ୍ୱର, (ସରୋଜ ପଣ୍ଡା):ଆଜି ସିଦ୍ଧି ବିନାୟକ ବିଦ୍ୟାଳୟ, ବାଲେଶ୍ୱରର ସମ୍ମିଳନୀ କକ୍ଷରେ ମିଳିତ ନିଶା ନିବାରଣ ଅଭିଯାନ (ମନା) ତରଫରୁ ପୂର୍ବତନ ମୁଖ୍ୟମନ୍ତ୍ରୀ ନବକୃଷ୍ଣ ଚୌଧୁରୀଙ୍କ ୧୨୪ତମ ଜୟନ୍ତୀ ପାଳିତ ହୋଇଯାଇଅଛି । ଡ. କ୍ଷିତୀଶ୍ୱର ଦାଶଙ୍କ ଅଧ୍ୟକ୍ଷତାରେ ପରିଚାଳିତ ସଭାରେ ଫକୀରମୋହନ ସ୍ୱୟଂଶାସିତ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ଦିଲ୍ଲୀପ ଘୋଷ ମୁଖ୍ୟ ଅତିଥିଭାବେ ଯୋଗଦେଇ ପିଲାମାନଙ୍କୁ ନିଶା ଠାରୁ ଦୂରରେ ରହିବା ସହିତ ନବକୃଷ୍ଣ ଚୌଧୁରୀଙ୍କର ଭାବାଦର୍ଶରେ ଅନୁପ୍ରାଣିତ ହେବାପାଇଁ ଆହ୍ୱାନ ଦେଇଥିଲେ । ସଭାରେ ସମ୍ମାନୀତ ଅତିଥିଭାବେ ବିଦ୍ୟାଳୟର ଅଧ୍ୟକ୍ଷ ସୁଧାଂଶୁ ଶେଖର ପଣ୍ଡା, ଅନ୍ୟତମ ଅତିଥି ରୋଟାରୀୟାନ୍ ତଥା ‘ମନା’ର ଉପଦେଷ୍ଟା ସୁବ୍ରତ କର, ଡ. କେଶବ ଚରଣ ପଣ୍ଡା, ସମ୍ପାଦକ ନିରଞ୍ଜନ ରାଉତ ନିଜନିଜର ବକ୍ତବ୍ୟ ରଖିଥିଲେ । ପ୍ରଫୁଲ୍ଲ କୁମାର ଦାସ ମଞ୍ଚ ଆହ୍ୱାନ ସହ ଅତିଥି ପରିଚୟ ପ୍ରଦାନ କରିଥିଲେ । ବିଦ୍ୟାଳୟର ଛାତ୍ର ରମ୍ୟରଞ୍ଜନ ସାହୁ ଓ ଛାତ୍ରୀ ଅନିକା ମାହେଶ୍ୱରୀଙ୍କୁ ମନା ତରଫରୁ ସମ୍ବର୍ଦ୍ଧିତ କରାଯାଇଥିଲା । ଏହି ସଭାରେ ‘ମନା’ର ରବିନାରାୟଣ ଭୋଳ, ଗଙ୍ଗାଧର ପୃଷ୍ଟି, ପ୍ରସନ୍ନ କୁମାର ପାଢ଼ୀ, ବୀରେନ୍ଦ୍ର ନାରାୟଣ ପ୍ରହରାଜ, ବେଣୁଧର ସାହୁ, ପ୍ରଣିତା ମିଶ୍ର, ସରସ୍ୱତୀ ପଣ୍ଡା, ସୀତାରାମ ପ୍ରଧାନ, ସଂଯୁକ୍ତା ବେହେରା ଓ ସନାତନ ଦାସ ପ୍ରମୁଖ ସହଯୋଗ କରିଥିଲେ । ଅକ୍ଷୟ କୁମାର ତ୍ରିପାଠୀ ଧନ୍ୟବାଦ ଦେଇଥିଲେ ।