କୁକୁଡା ପାଳନ ଉପରେ ଦକ୍ଷତା ବୃଦ୍ଧି ତାଲିମ ଶିବିର
ବନ୍ତ,(ଚାନ୍ଦିନୀ ମହାନ୍ତି) : ବନ୍ତ ପ୍ରାଣୀ ଚିକିତ୍ସାଳୟ ଠାରେ କୁକୁଡା ପାଳନ ଉପରେ ଦକ୍ଷତା ବୃଦ୍ଧି ତାଲିମ ଶିବିର ଅନୁଷ୍ଠିତ ହୋଇଯାଇଛି । ୫ ଦିନ ଧରି ଚାଲିବାକୁ ଥିବା ଏହି ଶିବିରକୁ ଜିଲା ମୁଖ୍ୟ ପ୍ରାଣୀ ଚିକିତ୍ସାଧିକାରୀ ସଞ୍ଜୟ କୁମାର ପଣ୍ଡା ଉଦ୍ଘାଟନ କରିଥିଲେ । ଏଥିରେ ଏରେଇ ଭି.ଏ.ଏସ୍ ସୁନେନା ନାୟକ, ବ୍ଲକ ପ୍ରାଣୀ ଚିକିତ୍ସାଧିକାରୀ ଚିତ୍ତ ରଞ୍ଜନ ଦାସ, ଅତିରିକ୍ତ ବ୍ଲକ ପ୍ରାଣୀ ଚିକିତ୍ସାଧିକାରୀ କମଳଲୋଚନ ବେହେରା, ସିଡିପିଓ ରେଣୁବାଳା ଦାଶ, ମିଶନଶକ୍ତିର ବିପିସି ଚିରଞ୍ଜୀବ ଦାସ ପ୍ରମୁଖ ଯୋଗ ଦେଇଥିଲେ । ଶିବିରରେ ୩୦ ଜଣ ସ୍ୱୟଂ ସହାୟକ ଗୋଷ୍ଠୀର ମହିଳା ମାନଙ୍କୁ କୁକୁଡା ପାଳନ ସଂପର୍କରେ ତାଲିମ ପ୍ରଦାନ କରାଯାଇଥିଲା । ଶିବିର ପରିଚାଳନାରେ ପ୍ରାଣୀଧନ ନୀରିକ୍ଷକ ସୋମନାଥ ନାୟକ, ଶଶିକାନ୍ତ ନାୟକ, ପ୍ରିୟବ୍ରତ ରାଉତ, ସଞ୍ଜୟ କୁମାର ଜେନା, କୃଷ୍ଣ ଚନ୍ଦ୍ର ଲେଙ୍କା, କାହ୍ନୁ ଚରଣ ମିଶ୍ର, ରାଜେଶ କୁମାର ବିଶ୍ୱାଳଙ୍କ ସମେତ କର୍ମଚାରୀ ଶରତ ଚନ୍ଦ୍ର ସାହୁ, ରମେଶ ଚନ୍ଦ୍ର ବାରିକ ସହଯୋଗ କରିଥିଲେ ।
