ସରକାରଙ୍କ ଲକ୍ଷ୍ମୀ ବସରେ ଗଜପତି ଜିଲ୍ଲାପାଳ ସାଧାରଣଙ୍କ ନିକଟକୁ ଯାଇ ମରୁଡି ପରିସ୍ଥିତି ଅନୁଧ୍ୟାନ କଲେ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା ) : ସରକାରଙ୍କ ଲକ୍ଷ୍ମୀ ବସରେ ଗଜପତି ଜିଲ୍ଲାପାଳ ସ୍ମୃତି ରଞ୍ଜନ ପ୍ରଧାନ କାଶୀନଗର ବ୍ଲକକୁ ଗସ୍ତ କରି ବର୍ତ୍ତମାନର ମରୁଡି ପରିସ୍ଥିତି ନେଇ ଲୋକଙ୍କ ସହ ଆଲୋଚନା କରିଥିଲେ. ଏପରିକି ଜିଲ୍ଲାପାଳ ବସ ମଧରେ ଯାତ୍ରା କରୁଥିବା ଯାତ୍ରୀମାନଙ୍କ ସହ ଆଲୋଚନା କରି ବିଭିନ୍ନ ସମସ୍ୟା ନେଇ ଜାଣିପାରିଥିଲେ ଏବଂ ସେ ସବୁର ସମାଧାନ ପାଇଁ ସେମାନଙ୍କୁ ପ୍ରତିଶୃତି ଦେଇଥିଲେ.ଗଜପତି ଜିଲ୍ଲାପାଳ ସ୍ମୃତି ରଞ୍ଜନ ପ୍ରଧାନ କାଶୀନଗର ବ୍ଲକର ବୁଦୁରା ଓ ଖଣ୍ଡାବା ପଞ୍ଚାୟତ ଗସ୍ତ କରି ଚାଷୀ ମାନେ ମରୁଡି ପରିସ୍ଥିତି ଦେଇ ଗତି କରୁଥିବାରୁ ଆଶ୍ୱାସନା ଦେବାସହ କିଭଳି ମୁକାବିଲା କରାଯାଇପାରିବ ସେନେଇ ପଦକ୍ଷେପ ଗ୍ରହଣ କରାଯିବ ବୋଲି ଚାଷୀଙ୍କୁ ଜଣାଇ ଥିଲେ. ଏହା ପରେ ଗଜପତିରେ ଚାଲୁଥିବା ଲକ୍ଷ୍ମୀ ବସରେ ଚଢି ପୁଣି ଫେରି ଯାଇଥିଲେ.
