କାଳବୈଶାଖୀର ପ୍ରଭାବ ଘର ଉପରେ ପଡିଲା ଗଛ ଅଳ୍ପକେ ବଞ୍ଚିଲେ ଦମ୍ପତି

ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ) : ବାଲିଗୁଡା ଉପଖଣ୍ଡ ଅନ୍ତର୍ଗତ କ.ନୂଆଗାଁ ବ୍ଲକ ସାରଙ୍ଗଡ଼ ଥାନା ବନେଗାଁରେ ଏକ ଅଭାବନୀୟ ଘଟଣା ଘଟିଛି, ଗୁରୁବାର ରାତିରେ କାଳବୈଶାଖୀ ତାଣ୍ଡବରେ ବନେଗାଁ ନିବାସୀ କୃଷ୍ଣ ଚନ୍ଦ୍ର ପ୍ରଧାନଙ୍କ ଘର ଉପରେ ଏକ ବଡଗଛ ଉପୁଡି ଭାଙ୍ଗିଯିବା ଫଳରେ ଘର ସମ୍ପୂର୍ଣ୍ଣ ଭାଙ୍ଗି ଯାଇଥିବା ଦେଖିବାକୁ ମିଳିଛି l କୃଷ୍ଣଙ୍କ ସ୍ତ୍ରୀ ଗୁଣ୍ଡୁରୀ ପ୍ରଧାନଙ୍କ ମୁଣ୍ଡରେ ଆଘାତ ଲାଗି ଆହତ ହୋଇଥିବା ଜଣାପଡିଛି l ଗୁରୁବାର ରାତିରେ ବୃଦ୍ଧା ଦମ୍ପତି ଖାଇ ପିଇ ଶୋଇପଡିଥିଲେ l ହଠାତ ଝଡ଼ ତୋଫାନ ଆସିବାରୁ ବଡ଼ ଗଛଟି କୃଷ୍ଣଙ୍କ ଘର ଉପରେ ପଡିଥିଲା l ଘଟଣl ସ୍ଥଳରୁ ବୃଦ୍ଧଙ୍କୁ ସ୍ଥାନୀୟ ଲୋକେ ଉଦ୍ଧାର କରି ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରିଥିଲେ l ଦମକଳ ବାହିନୀ ଆସି ଘରୁ ଗଛ ବାହାର କରିଥିଲେ l ଏନେଇ କୃଷ୍ଣ କ୍ଷତି ପୂରଣ ପାଇଁ କ.ନୂଆଗାଁ ତହସିଲଦାରଙ୍କୁ ଦାବୀପତ୍ର ଦେଇଛନ୍ତି l ରାଜସ୍ବ ବିଭାଗ ଅତିଶୀଘ୍ର କ୍ଷୟ କ୍ଷତି ଆକଳନ କରି ସହାୟତା ଯୋଗାଇ ଦେବାକୁ ବିଭିନ୍ନ ମହଲରେ ଦାବୀ ହୋଇଛି l