ବାଲେଶ୍ୱର ବିବେକାନନ୍ଦ କେନ୍ଦ୍ରରେ ଗୁରୁପୂର୍ଣ୍ଣିମା ପାଳିତ

ବାଲେଶ୍ୱର:(ଯୁଗାବ୍ଦ ନ୍ୟୁଜ)- ବାଲେଶ୍ୱର ଜେଲ୍ ରୋଡରେ ଅବସ୍ଥିତ ବିବେକାନନ୍ଦ କେନ୍ଦ୍ର କନ୍ୟାକୁମାରୀ ବାଲେଶ୍ୱର ଶାଖାର ଆଜି ଶୁଭ ସନ୍ଧ୍ୟାରେ ଏକ ମାର୍ମିକ ମନୋଜ୍ଞ ପରିବେଶରେ ପ୍ରତିବର୍ଷ ଭଳି ଏବର୍ଷ ମଧ୍ୟ ଗୁରୁପୂର୍ଣ୍ଣିମା କେନ୍ଦ୍ରାଧ୍ୟକ୍ଷ ଯୋଗାଚାର୍ଯ୍ୟ ପ୍ରେମାନନ୍ଦ ପୀରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । କେନ୍ଦ୍ର ସଚିବ ଅଧ୍ୟାପକ ଡ. ନିରଞ୍ଜନ ଦାସ ସଭା ସଂଯୋଜନା କରିଥିଲା ବେଳେ ଅବସରପ୍ରାପ୍ତ ଅଧ୍ୟାପିକା ଜ୍ୟୋସ୍ନାରାଣୀ ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇ ସମାଜର ଗୁରୁଙ୍କର ମହାନ ଭୂମିକାକୁ ପ୍ରାଞ୍ଜଳ ଭାବେ ଉପସ୍ଥାପନ କରି ଗୁରୁଙ୍କର ଆଦେଶ ଓ ଉପଦେଶକୁ ଅକ୍ଷରେ ଅକ୍ଷରେ ପାଳନ କରିବା ପାଇଁ ଉପସ୍ଥିତ ସ୍ୱାମୀ ବିବେକାନନ୍ଦ ଅନୁରାଗୀ ସ୍ରୋତାମାନଙ୍କୁ ଉଦ୍ବୋଧିତ କରିଥିଲେ । ଶୁଭ ଶଙ୍ଖ ଓ ବେଦ ଧ୍ୱନୀରେ ମୁଖ୍ୟ ଅତିଥି ପ୍ରଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମର ଶୁଭ ଉଦ୍ଘାଟନ କରିଥିଲେ । ସମ୍ପର୍କ ପ୍ରମୁଖ ରାଧାକୃଷ୍ଣ ଆଚାର୍ଯ୍ୟ, ଦେବାଶିଷ ଦାସ, ପ୍ୟାରେଲାଲ୍ ଶର୍ମା, ପ୍ରଦୀପ ମହାପାତ୍ର, ବିଜୟଲ ନାଥ, ମୀନତି ରାୟ, ଅଶୋକ ସାହୁ ଅରୁଣ ବେହେରା, ସୁଶ୍ରିସଙ୍ଗୀତା ଦାସ, ମୀନତି ଦେ, ଗୟାଧର କର, ସମ୍ଭୁନାଥ ଯାଦବ, କବିତା ଦେ, ମଞ୍ଜୁରାଣୀ ପୀରୀ, ଅଶୋକ ଆଶ୍ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।