ପୂର୍ବତନ ପ୍ରଧାନ ଶିକ୍ଷୟତ୍ରୀଙ୍କ ବିୟୋଗରେ ଶୋକସଭା

କେନ୍ଦ୍ରାପଡା, (ଚିତ୍ତରଞ୍ଜନ ଦାସ):ମୀରପାଟଣା ପ୍ରାଥମିକ ବିଦ୍ୟାଳୟର ପୂର୍ବତନ ପ୍ରଧାନଶିକ୍ଷୟତ୍ରୀ ନୟନା ମଲ୍ଲିକଙ୍କର ଗତ ୨୧ତାରିଖରେ ପରଲୋକ ହୋଇଯାଇଛି । ସେ ମୀରପାଟଣା ପ୍ରାଥମିକ ବିଦ୍ୟାଳୟରେ ଗତ ୧୯୯୯ମସିହା ଠାରୁ ୨୦୧୦ମସିହା ପର୍ଯ୍ୟନ୍ତ ପ୍ରଧାନ ଶିକ୍ଷୟତ୍ରୀ ଭାବେ ଦାୟୀତ୍ୱ ନିର୍ବାହ କରିଥିଲେ । ତାଙ୍କ ବିୟୋଗରେ ମଙ୍ଗଳବାର ବିଦ୍ୟାଳୟ ପ୍ରାଙ୍ଗଣରେ ପ୍ରଧାନ ଶିକ୍ଷୟତ୍ରୀ ସାଗରିକା ପୃଷ୍ଟିଙ୍କ ସଭାପତିତ୍ୱରେ ଏକ ଶୋକସଭା ଅନୁଷ୍ଠିତ ହୋଇଥିଲା । ଏହି ସଭାରେ ସେ ତାଙ୍କ ବିଷୟରେ ସୂଚନା ପ୍ରଦାନ ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ପୂର୍ବତନ ପୈାରାଧ୍ୟକ୍ଷ ଧିରେନ କୁମାର ସାହୁ ବକ୍ତବ୍ୟ ରଖି ପରଲୋକଗତ ପ୍ରଧାନ ଶିକ୍ଷୟତ୍ରୀଙ୍କ କାର୍ଯ୍ୟଧାରା,ନିଷ୍ଠା,ସମୟାନୁବର୍ତ୍ତିତା,ଛାତ୍ରବତ୍ସଳ ତଥା ବିଦ୍ୟାଳୟ ପ୍ରତି ଅବଦାନ ସମ୍ପର୍କରେ ଅବତାରଣା କରି ଶ୍ରଦ୍ଧାସୁମନ ଅର୍ପଣ କରିବା ସହ ତାଙ୍କ ପରିବାର ପ୍ରତି ସମବେଦନା ଜ୍ଞାପନ କରିଥିଲେ । ଅନ୍ୟମାନଙ୍କ ମଧ୍ୟରେ ଏହି ଶୋକସଭାରେ ପୁଷ୍ପାଞ୍ଜଳି ମଣ୍ଡଳ, ରତ୍ନମଞ୍ଜରୀ ବିଶ୍ୱାଳ, ରୁକ୍ମଣୀ ଦାସ, ରାଜେନ୍ଦ୍ର ପଣ୍ଡା, ନିରଞ୍ଜନ ସାହୁ, ଶାନ୍ତିଲତା ପଣ୍ଡା, ବେବିନା ସାହୁ, ସତ୍ୟଭାମା ବେହେରା ପ୍ରମୁଖ ଯୋଗଦେଇ ସ୍ୱର୍ଗତ ମଲ୍ଲିକଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।