ଜୀବନ୍ତ ଜଳିଗଲେ ତିନି ଗୋ ଦେବତା

ଭଣ୍ଡାରିପୋଖରୀ, (ଦୁର୍ଯ୍ୟେ।ଧନ ଲେଙ୍କା): ଭଣ୍ଡାରିପୋଖରୀ ଥାନା ସରସଦା ପଂଚାୟତ ଡିହସାହି ଗ୍ରାମରେ ଗତ ରବିବାର ରାତିପ୍ରାୟ ୮ଟା ୩୦ସମୟରେ ଅଗ୍ନିକାଣ୍ଡ ଘଟି ତିନିଗୋଟି ଗୋରୁ ଜୀବନ୍ତ ଦଗ୍ଧ ହୋଇଥିବା ଜଣାପଡିଛି। ଏହାସହିତ ଗୋଟିଏ ଗୋରୁ ଗୁରୁତର ଆହତ ହୋଇଛି। କୌଣସି କାରଣରୁ ଗ୍ରାମର ନିତ୍ୟାନନ୍ଦ ସ୍ବାଇଁଙ୍କ ଗୁହାଳ ଘରେ ନିଆଁ ଲାଗି ଯାଇଥିବାରୁ ଦୁଇବଖରା ଘର ପାଉଁଶ ହୋଇଯାଇଥିବାବେଳେ ଏଥିରେ ତିନି ଗୋରୁଙ୍କ ପ୍ରାଣହାନି ଘଟିଥିଲା। ଖବର ପାଇ ଅଗ୍ନିଶମ ବାହିନୀ ଗାଁରେ ପହଂଚି ନିଆଁକୁ ଆୟତ୍ତ କରିଥିବାବେଳେ ପଶୁ ଚିକିତ୍ସକ ଘଟଣାସ୍ଥଳରେ ପହଂଚି ତିନି ଗୋରୁଙ୍କ ମୃତ ଘୋଷଣା କରିଥିଲେ। ଅନ୍ୟ ଗୁରୁତର ଗୋ ଦେବତା ଟିର ଚିକିତ୍ସା ହୋଇଥିବା ଜଣାପଡିଛି। ଗୋପାଳକଙ୍କୁ ଦୁର୍ଘଟଣା ଜନିତ ସହାୟତା ଯୋଗାଇବାକୁ ଦାବି ହେଉଛି।